DI NIÑIK KIKI BIKRISTEN
Baa u gwé ngôñ i yônôs lipep inyu Suklu i baañal ñañ nlam u Ane?
Baa u yé nsañal nu ngéda yosôna nu a gwé ipôla 23 ni 65 nwii? Baa u yé mbôô, baa u yé bebee i ke to numbe homa inyu ti mahôla? Ibale u ntimbhe le ñ, baa u ma badba bé too u nla yônôs lipep inyu ke i Suklu baañal ñañ nlam u Ane? Ibôdôl nu ba bi yibil i suklu i, dikôô di babiina ni di lôk kéé i bôlôm ni i bôda i i ta bé mbiibaga i ma yônôs mapep inyu jôp i suklu i. Ndi to hala, di gwé ngôñ le ngandak lôk kéé i i yé ngi biiba i kônde ki yônôs mapep. Bat Yéhôva le a kéñbaha ngôñ yoñ i lémél nye ni i nigle Man wé. (Tjémbi 40:9; Matéô 20:28; Lôk Héber 10:7) I mbus, hôyôs ntjega woñ inyu boñ le u yônôs matode inyu jôp i suklu i.
Mimbe minson mi mondo baudu ba bi kôs i ngéda ba bi pam i suklu? I mbus suklu, ba bi ôm bahogi i téé likalô i bahoma ba mpot dilémb dipe. Bana bape, ba ôm bo i téé likalô ni njel kak bikaat i bahoma ba tôbôtôbô. I mbus ngim ngéda, baudu bahogi ba bi yila bahôla ba bagwélél ba makiiña, bagwélél ba makiiña tole ba ntéé likalô mu makoda map. I ngéda u ntehe minson minlam u nla gwel ikété ntôñ Yéhôva, u nla pot kiki Yésaya nu a bi kal le: “Me nunu! Om me!”—Yésaya 6:8.
BÉÑGE VIDÉÔ I GWÉ ÑO LE BASAÑAL BA TÔBÔTÔBÔ I BILOÑ BIPE—BA NYOÑ NGABA I LIBUMBUL, I MBUS TIMBHE MAMBADGA MA MA NOÑ HA:
Lelaa ba mpohol basañal ba tôbôtôbô i biloñ bipe?
Imbe loñge bôlô basañal ba tôbôtôbô i biloñ bipe ba nsal?
Bimbe bisai basañal ba tôbôtôbô i biloñ bipe ba bi kôs mu nson wap?