A bagwal ni hôla bon banan i bana yi

Di niñ i nkoñ ’isi het ba nkal le loñge i yé béba ni le béba yon i yé loñge. (Yésaya 5:20) Ngoo le, bôt bahogi ba mboñ mam Yéhôva a ñoo kiki bo malal ipôla bôlôm ni bôlôm tole bôda ni bôda. Mawanda ma suklu tole bôt bape ba nla noode tinde bon bés di ngwés i boñ kiki bo. Bon boñ ba nla boma i nya manoodana i, ndi lelaa u nla kôôba bo i yémbél mo?

Hôla bon boñ i yi matiñ ma Yéhôva inyu loñge ni béba. (Lôk Lévi 18:3) Inoñnaga ni nwii nwap, niiga bo i yom Bibel i nkal inyu jam li malal. (Ndiimba Mbén 6:7) Badba le: ‘Baa me ma kal man wem hee mut a nlama bé tihba nye tole me ma unda nye inyuki i yé nseñ le a haba mambot ma ma ñunda le a nkon Djob woñi? Baa me ma kal man wem inyuki bôt ba nlama bé pôôbe nye ngéda a yé nyuu nso? Baa man wem a nyi kii a nlama boñ ibale mut a noode unda nye bititii bi malal tole a ntinde nye i boñ yom Yéhôva a ñoo?’ I yi kii a nlama boñ i bisu bi ngéda i nla hôla nye le bikuu bi kwél bañ nye. (Bingéngén 27:12; Ñañal 7:12) Ibale u niiga man woñ i mam mana, u ñunda le u ngwés nye inyule a yé ngababum i i nlôl yak Yéhôva.—Tjémbi 127:3.

BÉÑGE VIDÉÔ I I GWÉ ÑO LE OÑ NDAP I I GA NOM— SÔÑ BON BOÑ LE BA KWO BAÑ “IKÉTÉ BÉBA,” I MBUS TIMBHE MAMBADGA MANA:

• 

  Inyuki ngim bagwal i nkon woñi i pôdôl bon bap jam li malal?

• 

  Inyuki bagwal ba nlama néñés bon bap ikété “biniigana ni mabéhna ma Yéhôva”?—Éfésô 6:4

• 

  Bimbe bisélél ntôñ Yéhôva u ma pémés inyu hôla bagwal i pôdôl bon bap jam li malal?—w19.05 12, nkéñék matila

• Inyuki u nlama bana lem i kwel ni bon boñ ilole mandutu ma nene?