Tibil tééda libii joñ

Yéhôva a nsômbôl le di yônôs mbônga di bi boñ sobiina wés, jon njômbi yé i yé le nwaa bo nlôm ba kee ni bisu i tééda libii jap. (Matéô 19:5, 6) Di gwé ngandak dihéga di bagwélél ba Djob, ba ba nkon maséé ikété ndap yap libii. Ndi, libii to jada li ta bé peles. Mandutu ma nla ba. Di nlama bé bana litehge li mam li bôt ba ba nhoñol le ngéda mindañ mi ngwéé, i yé loñge i bos tole i bagla. Lelaa babiina ba ba yé bikristen ba nla tibil tééda libii jap?

Béñge mam matan mana.

1. Tééda ñem woñ, u keñgle ki mam ma nla ôbôs libii joñ kiki bo ntjaga ni i béñge mintuk mi mi nhôñôs mam ma nyega.—Matéô 5:28; 2 Pétrô 2:14.

2. Lédés maada moñ ni Djob, hôlôs ki ngôñ i lémél nye ikété libii joñ.—Tjémbi 97:10.

3. Kee ni bisu i haba mut yondo. Ni loñge ñem, boñ disii di mam di di ga lémés niñ i sobiina woñ.—Kôlôsé 3:8-10, 12-14.

4. Ni bana lem i kwel, ni tinak ki wada ni nuu lipém.—Kôlôsé 4:6.

5. Ni tinak hiki wada i jam a kôli kôhna ni gwéha.—1 Korintô 7:3, 4; 10:24.

Ngéda babiina ba ndiihe libii, ba ndiihe yak Yéhôva nu a yé Nhek libii.

BÉÑGE VIDÉÔ I GWÉ ÑO LE DI NLAMA “LIGIP NGWÉÉ NI HÔNBA”—DI TÉÉDA BIKILA BI NGWÉÉ, I MBUS TIMBHE MAMBADGA MANA:

• 

  To hala kii libii li mbéna bôdôl loñge, mambe mandutu ma nla pam i mbus ngéda?

• 

  Lelaa matiñ ma Bibel ma nla hôla bet ba nôgda wengoñle gwéha i ta ha bé ikété libii jap?

• 

  Mambe mambén ma ma mbéñge libii Yéhôva a bi téé?

• Inyu bana loñge libii, kii babiina ba nlama boñ?