Baa u nyoñ ngéda i yimbe lelaa Yéhôva a ntimbhe masoohe moñ?

Bibel i gwé ngandak dihéga di bôt ba ba bi soohe Yéhôva, i mbus a timbhe bo. I ngéda bagwélél ba Yéhôva ba bé ba tehe lelaa Yéhôva a bé a emble masoohe map, a hôla ki bo, ibabé pééna, hémle yap i bé i kônde let. Jon, i ngéda di nsoohe, di nlama kal Yéhôva mam ma tôbôtôbô ma ntééñga bés, i mbus, di noode yimbe lelaa a ntimbhe bés. Di nlama yi le, ngim mangéda Yéhôva a ga timbhe bé masoohe més kiki di bemek. (2 Korintô 12:7-9; Éfésô 3:20) Lelaa Yéhôva a nla timbhe masoohe més?

• A nla ti bés ngui i pes minsôn, i pes mahoñol, tole i pes mbuu inyu yémbél ndutu yés. —Filipi 4:13

• Pék inyu hôla bés i yoñ makidik malam.—Yakôbô 1:5

• Ngôñ ni ngui i boñ mam.—Filipi 2:13

• Nsañ i ngéda di gwé nduña.—Filipi 4:6, 7

• Mahôla ma lôk kéé.—1 Yôhanes 3:17, 18

• A nla ti we i yom u mbat.—Minson mi baôma 12:5, 11

TUK VIDÉÔ I GWÉ ÑO LE YÉHÔVA A “ÑEMBLE MASOOHE,” I MBUS TIMBHE MAMBADGA MANA:

• To ibale di gwé minwaa inyule di kon, lelaa hihéga i mankéé Shimizu hi nla hôla bés?

• Lelaa di nla nigle mankéé Shimizu?