DI NIÑIK KIKI BIKRISTEN
Maada ipôla ndéñbe yés ni mahoñol més
Di ñéba ndéñbe yés i gwés ha ndik ni bipôdôl gwés bé, ndi yak ni i mam di nhoñol. (Tjémbi 19:14) Jon, Bibel i nti bés makénd le di ôt pék mu mam ma yé maliga, ma ma gwé mahee, ma ma téé sép, ma ma yé mapubhaga, ma ma kôli le di gwés, ma ma gwé jôl lilam, ma ma gwé lem ilam, ni ma ma kôli ni bibégés. (Filipi 4:8) I pot maliga, di yé di bana mahoñol mabe ngim mangéda ibabé i kôôba. Ndi to hala, i gwel bésbomede i nla hôla bés i jôs mahoñol mabe ni i héñha mo ni ma ma yé malam. Ibale di nke ni bisu i gwés Yéhôva ikété mahoñol més, yak ikété maboñok més di ga téñbe i gwés nye.—Markô 7:21-23.
Isi hiki nlôñ Bibel, tila mahoñol mabe u nlama keñgle: