Watchtower KOBOT BIKAAT I INTERNET
Watchtower
KOBOT BIKAAT I INTERNET
Basaa (Kamerun)
Ñ
  • É
  • é
  • Ñ
  • ñ
  • BIBEL
  • BIKAAT
  • MAKODA
  • mwb24 Kondoñ mapep 12-13
  • 19-25 Matjel

Vidéô yo ki yo i nene bé mu lipohlak lini.

Di mbat nwéhél, hihôha hi mbôña i mayibil ma vidéô.

  • 19-25 Matjel
  • Niñ yés ni nson wés u bikristen—Kaat likoda li ñem sonde—2024
Niñ yés ni nson wés u bikristen—Kaat likoda li ñem sonde—2024
mwb24 Kondoñ mapep 12-13

19-25 MATJEL

TJÉMBI 8-10

Hiémbi 2 ni masoohe | Bibuk bi bisu (1 lin.)

MASÔÔ MA NKUS MA BIBEL

1. “A Yéhôva, m’a bégés we”!

(10 man.)

Yéhôva a ñéba bés longeñem i nya i mbuma ñañ (Tjémbi 8:​3-6; w21.08 3 § 6)

Di mbégés Yéhôva ni ñem wés wonsôna i ngéda di ñañle bôt bape minson nwé mi hélha (Tjémbi 9:1; w20.05 23 § 10)

Di mbégés ki Yéhôva i ngéda di ntubul nye tjémbi ni ñem wés wonsôna (Tjémbi 9:2; w22.04 7 § 13)

Collage: Lelaa di nla bégés Yéhôva. 1. Ñunuk sita yada i yé tééne dokta likalô. 2. Lôk kéé bôlô ni i bôda i yé tôp tjémbi likoda. 3. Njohok mañge munlôm a ntéé hinoo i ndap Ane, a yé timbhe. 4. Njohok mañge munlôm u yé pubus Ndap Ane. 5. Njohok sita yada i yé tééne solôñ yé i suklu likalô.

BADBA LE, ‘Kii me nla ki boñ inyu bégés Yéhôva?’

2. Tik ngok i mbuu

(10 man.)

  • Tjémbi 8:3​—Kii ntôp tjémbi a bé sômbôl kal i ngéda a bi pôdôl dinoo di Nyambe? (it-1 663)

  • Mu lisoñgol li Bibel li sonde ini, imbe tik ngok u nléba?

3. Lisoñgol li Bibel

(4 man.) Tjémbi 10:​1-18 (th yigil 11)

LIGIP YAGA I NSON U ÑAÑ NLAM

4. I bôdôl nkwel

(3 man.) LIKALÔ LI MANDAP NI MANDAP. Nwet ndap a nkal we le a nhémle bé Djob. (lmd yigil 5 litode 4)

5. I kena nkwel ni bisu

(4 man.) LIKALÔ I NGÉDA DI MBOÑ MAM MÉS MA HIKI KEL. I nkwel nan u bisu, nwet ndap a bi kal we le a nhémle bé Djob, ndi nano a neebe le ni kwélél mu mam ma ñéba le Nhek a yé. (th yigil 7)

6. Nkwel

(5 man.) w21.06 6-7 § 5-18​—Ño nkwel: Hôla nnigil Bibel woñ i bégés Yéhôva. (th yigil 10)

DI NIÑIK KIKI BIKRISTEN

Hiémbi 10

7. Lelaa di nla ba bésbomede i ngéda di ñañal ñan nlam mu kii di mboñ mam més ma hiki kel?

(10 man.) Nkwel ni baemble.

Njel yada di nla gwélél inyu bégés Yéhôva i yé le di tééne i bôt di mboma muu kii di mboñ mam més ma hiki kel likalô. (Tjémbi 35:28) I bidôdle, hala a nla kônha bés woñi i tééne bôt di nyi bé likalô. Ndi, ibale di nkôôba i téé likalô, ni i kena nkwel wés ni bisu, hala a ga boñ le di meya ntén likalô u, di hol ki mu. Hala a ga kônha ki bés maséé!

Bititii bi vidéô ini le “Ba nkôôbaga i añal ”‏ñañ nlam u nsañ”​—We bôdôl nkwel.” Sita i mbôdôl nkwel ni muda wada nu a yii i pañ yé i restaurant.

Tuk VIDÉÔ Ba nkôôbaga i añal “ñañ nlam u nsañ”​—We bôdôl nkwel. I mbus, bat baemble i mbadga ini:

Lelaa i vidéô ini i nla hôla we i hôlôs likeñge joñ li likalô mu kii u ntééne bôt likalô i ngéda u mboñ mam moñ ma hiki kel?

I makeñge mana ma ga hôla we i bôdôl nkwel:

  • Hiki ngéda u nyodi, ba nkôôbaga i tééne bôt likalô. Soohe Yéhôva le a hôla we i yônôs i njômbi i. Bat nye le a hôla we i léba bôt ba ngwés maliga

  • Ba liyômba, unda ki le u ntôñ i bôt u mboma. Yéñ yi mam ma nlémél bôt ma ma nla hôla we i yi mimbe minlôñ mi Bibel mi nkiha ni ngôñ yap

  • Ibale hala a nla bôña, ti nye nomba yoñ i téléfôn, yak we u yoñ yé

  • Hala a tééñga bañ we ibale nkwel u mal ndi le u nla bé tééne nye likalô

  • Kee ni bisu i hoñol i mut u ntééne likalô. Kee ni bisu i kwel ni nye, ni njel téléfôn, u nla éble nye ngim nlôñ u Bibel tole ngim ño nkwel u u yé jw.org

Noode i jam lini: Ibale mut a mbat we le, ‘Weekend yoñ i bak lelaa?,’ kal nye ngim yom u nigil i likoda tole i nson likalô.

8. Ngôñ likoda

(5 man.)

9. Yigil i Bibel i likoda

(30 man.) bt pes 6 § 1-8, majubul ma liboñ 2

Bibuk bi nsôk (3 man.) | Hiémbi 65 ni masoohe

    Bikaat ni hilémb Basaa (1996-2024)
    Mapémél
    Lijubul
    • Basaa (Kamerun)
    • Kap
    • Pohol libamblak
    • Copyright © 2025 Watch Tower Bible and Tract Society of Pennsylvania
    • Matéak inyu ligwélél
    • Matiñ ma nsôñ biniñ bi bôt
    • Paramètres de confidentialité
    • JW.ORG
    • Lijubul
    Kap