30 HILÔNDE–6 NJÉBA

MASÔÔ MA NKUS MA BIBEL

1. Lelaa ni nla béñgna kayéle ni yoñ makidik malam?

(10 man.)

Tééda litehge li Yéhôva inyu i béñgna inyu libii (Bingéngén 20:24, 25; w24.05 26-27 § 3-4)

Béñge mut a nlémél we ibabé le a yi, nwaa le ni mbôdôl béñgna inyu libii (Bingéngén 20:18; w24.05 22 § 8)

Ni nigil i yina i ngéda ni mbéñgna (Bingéngén 20:5; w24.05 28 § 7-8)

Lôk kéé iba i i mbéñgna inyu libii i yii ntôñ i ngéda ba ntégbaha loñge ngéda ni lôk kéé ipe. Ba yé i kwel ba bak maséé i nlélém ngéda ini lôk kéé ipe i tégbahaga ngéda ntôñ i mbus yap.

BIGDA LE: I ngéda bôt iba ba mbéñgna inyu libii, hala a ngwés bé kal le ba yé nyégsaga i biiba, ndi ngim mangéda makidik malam ma yé le ba waa béñgna.

2. Tik ngok i mbuu

(10 man.)

Bingéngén 20:27—Bibuk bini le “Nhébék u mut binam u yé lambe i Yéhôva” bi nkobla le kii? (it-2 109 § 9)

Ndimbhe yoñ
Mu lisoñgol li Bibel li sonde ini, imbe tik ngok u nléba?

Ndimbhe yoñ

3. Lisoñgol li Bibel

(4 man.) Bingéngén 20:1-15 (th yigil 5)

LIGIP YAGA I NSON U ÑAÑ NLAM

4. I bôdôl nkwel

(4 man.) LIKALÔ LI MANDAP NI MANDAP. Mut a nkal we le, hala a yé ndék ngéda le a bi nyodi i loñ yé inyu lo i het a yé. (lmd yigil 3 litode 3)

5. I kena nkwel ni bisu

(4 man.) LIKALÔ LI MBAMBA. Pôdôl mut JW Library, u hôla nye i yoñ nye mu i kei yé. (lmd yigil 9 litode 5)

6. I toñol i mam u nhémle

(4 man.) Ndémbél. ijwbq yigil 159—Ño nkwel: I ngéda binuga bi nwo, baa bi nke i ngii? (lmd yigil 3 litode 4)

DI NIÑIK KIKI BIKRISTEN

7. Ti bôt bape makénd i nigil Bibel

(5 man.) Nkwel ni baemble.

I bôdôl gwigil bi Bibel i yé jam li nlôôha ba nseñ munu nson wés. Lelaa di nla hôla bôt i yila banigil ibale di nigil bé Bibel ni bo? (Rôma 10:13-15) I ngéda u ntéé likalô li mandap ni mandap, baa u nla bat bôt le ba nigil Bibel ni we? Kiki jam li bisu, noode hégda imbe mbadga i nla lémél nwet ndap. I mbus éba nye lelaa Bibel i ntimbhe i mbadga i, éba ki nye lelaa Bibel i nla hôla nye mu niñ yé.

“Noode nigil Bibel ni bés” i jw.org i lipep li maleege.

U nla gwélél lien i i nkena i homa nunu le, “Noode nigil Bibel ni bés” i jw.org inyu bat i bôt u mboma le ni nigil Bibel.

Lelaa u nla gwélél lien i i nkena i homa nunu le, “Noode nigil Bibel ni bés” inyu bôdôl yigil?

Ndimbhe yoñ
Limbe likeñge u ntehe le li nkile inyu bat bôt le ni bôdôl nigil Bibel nyoo i het u niñ?

Ndimbhe yoñ

30 HILÔNDE–6 NJÉBA

BINGÉNGÉN 20

Hiémbi 131 ni masoohe | Bibuk bi bisu (1 lin.)