Baa ni neebe matibla ma dokta?

Ñ, Mbôgi Yéhôva i neebe njôôñ yi i i nigil nyuu mut, ni tibil yo, i neebe ki matibla ma dokta. Ngim mangéda, di yé di bana “ngôñ ni dokta” inyu noode tôñ ni manyu més, ni tééda mbôô wés. (Lukas 5:31, MN) Kiki kristen yada i hiai bisu le Lukas, ngim Mbôgi Yéhôva i nsal kiki batibil bôt (bidokta tole bahôla dokta).—Kôlôsé 4:14.

Ngim matibla i nkiha bé ni matiñ ma Bibel, jon di ntjél gwo. Kiki héga, di neebe bé minkum mi matjél inyule Bibel i nsôña le di yoñ matjél inyu tééda mbôô wés. (Minson mi baôma 15:20) Nlélém jam inyu matibla ma ma ngwélél makañ.—Galatia 5:19-21.

Ndi, libim li matibla li nkolba bé matiñ ma Bibel. Jon, hiki wada wés a nlama yoñ makidik nyemede. Ngim Mbôgi Yéhôva i nla neebe ngim mintén mi matibla ma tôbôtôbô, ndi numpe a tjél mo.—Galatia 6:5.