Ki u nlama boñ?

50 Baa u gwé ngôñ i niñ mba ni mba ikété paradis i lam ini?

Ibale hala, kônde nigil yom Djob a nkal. Noode nigil añ Bibel. ​—Yôhanes 17:3; Masoola 1:3

51 Kônde nigil yi nje a yé Yésu.​—Ndiimba Mbén 18:18, 19; Yôhanes 3:16; Minson mi Baôma 3:19-23

52 Noode boñ ndig mam malam ni nôgôl Yéhôva.​—Rôma 6:17, 18, 22

53 Bigda le Yéhôva a nkal le di nlama bé nol bôt.​—Manyodi 20:13; 1 Yôhanes 3:11, 12

54 Di nlama bé yoñ gwañan gwom ngi kunde.​—Manyodi 20:15; Éfésô 4:28

55 Munlôm a nlama bé niñ, to lal ni muda nu a ta bé nwa wé.​—Manyodi 20:14, 17; 1 Tésalônika 4:3

56 Baa u ngi hoñlag nsoñgi u baa Djob a ti munlôm kunde i bana? Letee ni imbe ngéda munlôm a nlama yén ni nwaa wé?​—Bibôdle 2:22, 24; Matéô 19:5, 6; 1 Korintô 7:2, 10, 11

57 U hoñol ki le di nlama bégés ndig Yéhôva nyetama.​—Matéô 4:10; 1 Korintô 8:6

58 Bisat ni bititii bi nla bé hôla bés. Inyuki?​—1 Korintô 8:4

Baa i yé loñge i bana bisat?​—Ndiimba Mbén 27:15; 1 Yôhanes 5:21

59 Inyuki i yé béba i bana bobe ni gwélél bijéle?​—Ndiimba Mbén 18:10-13; Masoola 21:8

60 Bibéba bi biañgel tole mimbuu mimbe, bi nyagbene Djob. Bi ngwélél batoñol bilôl inyu lôg bôt.​—Minson mi Baôma 16:16

61 Di nlama soohe Djob. Masoohe ma yé i kwélés Djob, inyu kal nye le di gwé ngôñ i gwélél nye ni i bat nye mahôla mé.​—Filipi 4:6, 7

62 Di nlama nôgôl Yésu, ni hémle nye.​—Lôk Héber 5:9; Yôhanes 3:16

63 U hoñol le a bi wo inyu tohol bés.​—Rôma 5:8

64 U hoñol le Yésu a yé kiñe yés i ntéa bé ni mis. Di nlama nôgôl nye.​—Filipi 2:9-11; Masoola 19:16

65 Yésu a kal le u nlama añle bôt bape biloñge bimam u yé i nigil, ni ki le bet ba ngwés gwélél Djob ba nlama sôblana.​—Matéô 28:19, 20; Yôhanes 4:7-15

66 Jon, u nla añle mawanda moñ mam malam mana.​—Matéô 10:32

67 Ibale u ntibil nigil añ, u nla kônde yi ngandak mam ipe; w’a la ki tibil hôla bôt bape.​—2 Timôtéô 2:15

68 Yésu a niiga yag boñge batitigi i nôgôl Djob. A yénag bé a pagap iloo héga inyu kwélés bo.​—Matéô 19:13-15

69 Hiki ngéda bagwal ba nlama niiga bon bap i nôgôl Djob ni gwés nye.​—Ndiimba Mbén 6:6, 7; Bingéngén 6:20-22; Éfésô 6:4

70 Bibase bi yé nya ndi nya. Ngandak yap i biniigana i nlôl bé i Bibel. Yéhôva a nkal le di pam mu bibase bi bi niiga bé maliga. —Masoola 18:4; Yôhanes 4:23, 24

71 Yéhôva a gwé bôt hana isi ba nla kônde niiga we nje a yé. Ba u nyi bonje ba?​—Minson mi Baôma 15:14; Rôma 10:14, 15

72 Mbôgi Yéhôva i. Ba niñ ni nsañ i pôla yap. U nyi inyuki? Inyule ba ngwéhna.​—Yésaya 43:10-12; Yôhanes 13:34, 35

73 Inyule ba ngwés yag Yéhôva, ba bi sôblana. Hala nyen ba ñéba i mbamba le ba bi nwas nlômbi wap béba niñ inyu tégbaha niñ yap i gwélél Djob.​—Minson mi Baôma 2:41

74 Mbôgi Yéhôva i nhémle le i ga niñ mu ikété loñge paradis i yondo i.​—Hiémbi 37:9-11, 29

Ki u nla boñ inyu niñ mu lôñ ni bo?​—Yakôbô 1:22, 25; 2:20-26

75 Adba lôñ ni bo i nigil i gwélél Yéhôva. Ba ngwés Yéhôva ni Yésu Kristô, ba nôglag ki bo. Baa u ngwés bo? Baa u gwé ngôñ i hôla bôt bape i yi Djob?​—Yôhanes 6:45-47

76 Yéhôva bo Yésu Kristô ba ngwés we, ba gwéhég ki le u niñ ikété paradis mba ni mba.​—Yôhanes 3:16

Mam u nigil munu ni njel bititii, ni biniigana bi yé munu i man kaat, ma nti toi we ngôñ i niñ mba ni mba i kédé masoda hana isi. Ibale u gwé ngôñ i kônde nigil mam mape, di nti we makénd le u tehe Mbôgi Yéhôva i homa woñ libôg. U nla ki tila, tole mut a tilna we i ño ntôñ u u yé bebee ni i homa u yiine, ni njel nomba nkuu bikaat i yé ntilga i lipep li nyônôs liba li man kaat nunu.