Watchtower KOBOT BIKAAT I INTERNET
Watchtower
KOBOT BIKAAT I INTERNET
Basaa (Kamerun)
Ñ
  • É
  • é
  • Ñ
  • ñ
  • BIBEL
  • BIKAAT
  • MAKODA
  • rq yigil 6 mapep 12-13
  • Ki i yé Ane Djob?

Vidéô yo ki yo i nene bé mu lipohlak lini.

Di mbat nwéhél, hihôha hi mbôña i mayibil ma vidéô.

  • Ki i yé Ane Djob?
  • Kii Djob a mbat le di boñ?
  • Minkwel mi mpôna
  • Kii yé Ane Djob?
    Kii Bibel i niiga bés?
  • Kii yé Ane Djob?
    Miñañ minlam mi nlôl ni Djob!
  • Maliga inyu Ane Djob
    Nkum Ntat u ñañal Ane Yéhôva (Nu mbamba)—2020
  • Kii yé Ane Djob?
    Niñ ilam i boga ni boga!—Yigil Bibel kiki nkwel
Kii Djob a mbat le di boñ?
rq yigil 6 mapep 12-13

Yigil 6

Ki i yé Ane Djob?

He Ane Djob i yéne? (1)

Nje a yé Kiñe mu? (2)

Ba bôt bape ba ane ni i Kiñe i? Ibale hala, bañen? (3)

Ki i ñéba le di niñil i dilo di nsôg? (4)

Ki Ane Djob y’a bôñôl bôt ba binam i dilo di nkee lo? (5-7)

1. Ngéda a ba hana isi, Yésu a niiga banigil bé le ba soohe inyu Ane Djob. Ane i yé énél i i gwé kiñe i ño wé. Ane Djob i yé tôbô. I yéne i ngii, nyo nyen i ga énlene hisi hini. I ga pubus jôl li Djob. I ga boñ le sômbôl i Djob i bôña hana isi kiki i mbôña i ngii.—Matéô 6:9, 10.

2. Djob a bôn le Yésu nyen a ga ba Kiñe i Ane Yé. (Lukas 1:30-33) Ngéda Yésu a ba munu isi a éba le a nla ba Ñane nu a yé loñge, telepsép, ni peles. Ngéda a témb i ngii, a tééba bé Kiñe i Ane Djob nlélém ngéda. (Lôk Héber 10:12, 13) I nwii 1914, Yéhôva a ti Yésu ngui ane a bôn nye. I bôdôl ha, Yésu a ñane nyo ngii kii Kiñe i ntééba ni Yéhôva.—Daniel 7:13, 14.

3. Yéhôva a bi pohol ki ngim bôlôm ni bôdaa ba manôgla hana isi le ba kee i ngii. Ba ga ane ni Yésu kiki bikiñe, bakéés, ni biprisi i ngii bôt ba binam. (Lukas 22:28-30; Masoola 5:9, 10) Yésu a sébél baso baane ba le “bémba titigi”. Nsoñgi wap u yé 144 000.—Lukas 12:32; Masoola 14:1-3.

4. Kunda yada Yésu a yila Kiñe, a luhul Satan ni bibéba gwé bi biañgel i ngii, a leñ bo nyono bebe ni hisi. Jon mam ma bi lôôha beb hana hisi i bôdôl i nwii 1914. (Masoola 12:9, 12) Gwét, njal, makon, liyan mbén li li hol ndik hol ni hol—mam mana momasô ma yé mu “yimbne” i i ñéba le Yésu a ñane, ni le i hiai hini hi yé i dilo tjéé di nsôg.—Matéô 24:3, 7, 8, 12; Lukas 21:10, 11; 2 Timôtéô 3:1-5.

5. Ndég ngéda wee Yésu a nke kéés bôt, a baglag bo kikii ntééda bilém a mbagal mintômba ni minya mi kembee. “Mintômba” mi yé bôt ba ga éba le ba nsuhul toi bomede i si ane yé. Bon b’a kôdôl niñ boga hana isi. “Minya mi kembee” mi yé bôt b’a tjél Ane Djob. (Matéô 25:31-34, 46) Ndég ngéda wee Yésu a ntjé bôt ba yé kiki minya mi kembee. (2 Tésalônika 1:6-9) Ibale u ngwés le u ba wada ikété “mintômba” mi Yésu, u nlama emble ñwin u Ane Djob ni nôñôl mam u nigil—Matéô 24:14.

6. I len ini hisi hi yé nkabag ni ngandak biloñ. Hikii loñ i gwé yé ane. Biloñ bini bi mbéna jo gwét i pôla yab. Ndi Ane Djob y’a tegep i héñha biane bi biloñ gwobisô. Yotama yon y’a ba i ñane nkoñ isi wonsô. (Daniel 2:44) Ha nyen to gwét, to manola, to miñdañ gw’a ba ha bé. Bôt bobasô b’a ba ba niñil ikété nsañ ni maada.—Mika 4:3, 4.

7. I si énél i Yésu i hikôô hi nwii, bôt ba manôgla b’a yila peles, hisi hiosô ki hi yila paradis. I bimélél bi hikôô hi nwii, Yésu a ga ba a ma mal boñ hikii jam Djob a bi bat nye le a boñ. Ha nyen a ga yoñ Ane a timbhe yo Isañ. (1 Korintô 15:24) Inyuki u nla bé añle mawanda moñ ni bôt boñ ba u ngwés mam Ane Djob i ga boñ?

[Titii i lipep 13]

I si énél Yésu, ôa to yom be yo ki yo y’a ba ha bé

    Bikaat ni hilémb Basaa (1996-2024)
    Mapémél
    Lijubul
    • Basaa (Kamerun)
    • Kap
    • Pohol libamblak
    • Copyright © 2025 Watch Tower Bible and Tract Society of Pennsylvania
    • Matéak inyu ligwélél
    • Matiñ ma nsôñ biniñ bi bôt
    • Paramètres de confidentialité
    • JW.ORG
    • Lijubul
    Kap