Yigil 15

Hôla bôt bape i boñ sômbôl Djob

Inyuki u nlama kal bôt bape yom u nigil? (1)

Nje u nla añle ñan nlam? (2)

Ki bihiumul gwoñ bi nla tinde bôt bape le ba boñ? (2)

Imbe ngéda u nla bôdôl añal ñañ nlam lôñ yada ni ntôñ? (3)

1. Hanano u mal nigil ngandag mam malam ma nlôl i Bibel. I yi ini i nlama nyuge we i hôlôs bilem bi kristen. (Efésô 4:22-24) I nya yi ini yon i yé we nseñ inyu kôdôl niñ boga. (Yôhanes 17:3) Ndi i mbat le bôt bape ba nog ñañ ñlam unu inyu boñ le yag bo ba tohlana. Bikristen bi maliga gwobisô bi nlama bôgôl bôt bape mbôgi. Oda Djob i.—Rôma 10:10; 1 Korintô 9:16; 1 Timôtéô 4:16.

2. U nla bôdôl kabna biloñge bi mam u nigil ni bed ba yé bebe ni we. Añle mo lihaa joñ, mawanda moñ, i suklu, ni i homa nson. Boñ hala ni hônba ni liyômba. (2 Timôtéô 2:24, 25) U hôya bañ le bôt ba mbéna mbéñge bihiumul bi mut iloo kii ba ñemble bipôdôl gwé. Hala nyen bilem gwoñ bilam bi nla ôt bôt bape i emble ñañ nlam u ñañle bo.—Matéô 5:16; 1 Pétrô 3:1, 2, 16.

3. Ngéda y’a pam le u kôli añal ñañ nlam ni ntôñ u Mbôgi Yéhôva u u yé we bebe. Hala a yé bañga liben i mahol moñ. (Matéô 24:14) Kinje masé ibale u nla hôla mut numpe i yila mbôñôl Yéhôva le ndi a kôhna niñ boga!—1 Tésalônika 2:19, 20.