Mawanda ma Djob m’a niñ i paradis

Paradis y’a ba bé kikii nkoñ isi di niñil i len ini. Djob a ngwés bé to kel to yada le hisi hi ba nyonok ni mam mabe, to ni mandutu, to ni njiiha. I dilo di nke lo Djob a’ yilha hisi paradis. Paradis y’a ba lelaa? Di béñge le yom Bibel i nkal:

Biloñge bi bôt. Paradis y’a ba liyéne li mawanda ma Djob. B’a ba ba bôñla mam malam, ba niñig inoñna ni manjel ma té sép ma Djob.—Bingéngén 2:21.

Ngandak bijek. Njal y’a ba ha bé i paradis. Bibel i nkal le: “Bijek gw’a ba ngandak hana isi.”—Hiémbi 72:16.

Mandap malam ni nson u kônha masé. I Paradis hana isi, hiki lihaa l’a yén ikété yé ndap. Hiki mut a’ boñ nson u nkônha nye bañga masé.—Yésaya 65:21-23.

Nsañ ni nkoñ isi wonsô. Bôt b’a jo ha bé, to wo gwét. Bañga i Djob i nkal le: “[Djob] a nsugus gwét.”—Hiémbi 46:8, 9.

Mbôô. Bibel i mbôn le: “To mut [i Paradis] a’ kal ha bé le: ‘Me nkon.’” (Yésaya 33:24) Ni le to bôk mut, to ndim, to ndok, to mbuk b’a ba ha bé.—Yésaya 35:5, 6.

Lisuk li ndutu, njiiha ni nyemb. Bañga i Djob i nkal le: “Nyemb y’a ba ha bé, to malep, to nlondok, to njiiha b’a ba ha bé. Mam ma bisu (minlômbi mi mam) ma mal tagbe.”—Masoola 21:4.

Bibéba bi bôt gw’a ba ha bé. Yéhôva a mbôn le: “Bibéba bi bôt . . . gw’a kida mu isi, yag bôt ba nliba b’a nuba mu.”—Bingéngén 2:22.

Bôt b’a ba ba ngwéhna ba tinga lipém. Ngi telepsép, ndéñga, hépég ni nkus ôa gw’a ba ha bé. Bôt b’a ba ba édi, ba niñig inoñnaga ni manjel ma té sép ma Djob.—Yésaya 26:9.