Njom i maséé més

1. Manjom di gwé inyu ba maséé,

M’a bet hiki kel kiki nkus.

Djob a gwé tik yé bôt mu matén;

Ba nyodi nkoñ ’si ’nyu kop bés.

Kii di nsoñgol Bibel hiki kel,

Jon maséé més ma umi siñ.

Hémle yés i nhol ni mam di nok,

Kii di nigil Bañga i Djob.

Njom i maséé més i yé keñi,

I nloñ kiki hié mu ñem wés.

To kii mandutu ma yé tét bés,

Ni ngui Djob a nti, d’a lédés.

2. Di yé maséé ni mam Djob a heg,

I ngii, ni hisi, ni tuye.

Kiki di memle mam a bi heg,

Di yé maséé i bégés nye.

Ni makénd, di ntjam i len ini,

Unu ñwin: Ane Djob i ngwéé.

Di yé maséé i añle bôt le,

Ba yi Ane ni bisai gwé.

Maséé ma boga ma gwé ni moo,

Jiibe li yé mal, kel i nye.

Ngii yondo lôñni hisi ’yondo,

Gw’a lona maséé ni hogbe.