YIGIL 1

I yi jubus nkwel

Minson 17:22

I SEM KWEP: Majubul moñ ma nkwel ma nlama ti bôt ngôñ i emble we, ma yis bo ño nkwel woñ, ma unda ki inyuki ño nkwel woñ u yé nseñ inyu yap.

Ti bôt ngôñ i emble we. Pohol ngim mbadga, tole yom bôt ba nhoñol inyu ngim jam, hihéga, tole ngim nwin u u ga lémél bôt ba ñemble we.

I bisu bi ngéda, tibil wan mam ma nlémél bôt tole mam ma ntihba niñ yap, u jubus ki nkwel woñ inoñnaga ni i mam ma.
Yigye njômbi i nkwel woñ. Tibil boñ le majubul moñ ma nkwel ma hôla baemble we i tibil nok kii nkwel woñ w’a pôdôl ni njômbi i nkwel woñ.
Unda inyuki nkwel woñ u yé nseñ. Boñ le jam u nkwélél li kiha ni mam ma ntihba niñ i baemble. Ba nlama tibil nok lelaa nkwel u nla hôla hiki wada wap.

I ngéda u yé kôôba nkwel u mbamba, badba le: ‘Mambe mam lôk kéé i bôlôm ni i bôda i likoda jem i mboma?’ I mbus, boñ le majubul moñ ma nkwel ma kiha ni ngôñ yap.