Manwin inyu balo li likoda

BALEEGE BÔT Baleege bôt ba yé ha inyu hôla we. Soho, noñ maéba ba nti we inyu yi homa ba ntééda matôa ni bikei, ni inyu yi njel majôp ni njel mapam i ndap likoda, ni tééda biyééne inyu bôt bape, ni mam mape ki.

SÔBLE Handugi biniigana bipe, biyééne i bisu bi hikôma bi yé inyu bakôs sôble. Bakôs sôble ba nlama yén mu biyééne bi ilole nkwel u sôble u mbôdôl i kegla i ngwa jôn (samedi). Hiki wada wap a nlama lona wédé, ni mbot i kôli inyu sôble.

MAKÉBLA Inyu boñ le likoda li ndôn lini li tagbe loñge kayéle li hôla bés i kôôge Yéhôva bebee, moni mi mpam ngandak inyu kôôba biyééne, nkuu mahop, nkuu biliñgeliñge, ni ngandak mam ipe. Makébla ma njômbi ñem u nti, ma nhôla inyu timbis moni mi mpam, ni inyu nit nson u ñañ nlam ni nkoñ ’isi wonsôna. Ibale u nsômbôl ti likébla, w’a léba dikukuu di yé bahoma bahoma mu ndap likoda. U nla yak ti likébla ni njel internet i homa le donate.jw.org. Di yé maséé i leege to limbe likébla. Juu li bakena ntôñ li nti we mayéga ngandak inyu mahôla u nti inyu nit gwéñe bi Ane.

MATIBLA MA BISU Soho tééda le, matibla ba nti hana ma yé ndigi inyu hôyôs njôghe ngéda nyuu i nai we.

MINIMLAK MI GWOM Minimlak mi gwom mi yé ntéédaga homa wada. U nla ke nyoo homa nu ibale u nimis yom. Ibale u nléba mañge nu a mbagla ni bagwal bé tole a nimil, soho kena nye i homa minimlak mi gwom mi yé. Ndi yi le litéédana li boñge bé li. Jon soho, tat bon boñ loñge, tééda ki bo ipañ yoñ.

BIYÉÉNE Soho, tôñ bôt bape ngéda u mpohol biyééne. U hôya bañ le biyééne u ntééda bi nlama ndik ba inyu bôt we ni bo ni nlo ntôñ tole bôt we ni bo ni yii ndap yada, tole bet we ni bo ni nigil Bibel. Soho, u tek bañ yom to yada ngii biyééne w’a gwélél bé.

BAHÔLA BÔLÔ Ibale u gwé ngôñ i yoñ ngaba munu bôlô i likoda li ndôn, soho ti jôl joñ i homa bahôla bôlô.

MAKODA MA TÔBÔTÔBÔ

Suklu baañal ñañ nlam u Ane Basañal ipôla 23 ni 65 nwii ba ba nsômbôl kéñbaha nson wap, ba nlama lo likoda li bôt ba nsômbôl ke i Suklu baañal ñañ nlam u Ane. Likoda lini li ga ba i kel sonde, i mbus kosi. Ba ga legel ngeñ ni homa likoda li mbane.