Njee a yé bañga Djob?

Ibôdôl nu bôt ba binam ba niñ hana ’isi ba mbégés ngandak banyambe. Ndi Bibel i mpôdôl ngim Nyambe nu a “nloo banyambe bobasôna.” (2 Miñañ 2:5) Njee nu? Inyuki a yé Nunkeñi iloo bana banyambe bôt bape ba mbégés? Munu pes ini, di ga tehe le i Nyambe nu, a nsômbôl le u yi njee a yé.

1. Jôl li Djob le njee, kii i nyis bés le a nsômbôl le di gwélél jo?

Nyambe a ngwélél Bibel inyu yis bés njee a yé. A bi kal le: “Men me yé Yéhôva, jôl jem li.” (Añ Yésaya 42:​5, 8.) Ni hop Lôk Héber, i jôl lini le “Yéhôva” li nkobla le “A nyilha.” Yéhôva a nsômbôl le di yi jôl jé. (Manyodi 3:​15) Kii i nkwés bés nkaa hala? Di nIéba i jôl li ikété Bibel iloo 7 000 di ngélé!a I jôl lini le Yéhôva li yé ndik inyu ‘bañga Nyambe nu a bi hek ngii ni hisi.’​—Ndiimba Mbén 4:​39.

2. Kii Bibel i niiga bés inyu Yéhôva?

Bibel i nkal bés le ikété mop momasôna bôt ba binam ba mbégés, Yéhôva nyetama nyen a yé bañga Djob. Inyuki? Manjom ma yé ngandak. Yéhôva a yé ñane nkeñi, nyetama ki nyen a yé “Nungingii i ngii hisi hiosôna.” (Añ Tjémbi 83:18.) A yé “Nungui yosôna” hala wee, a gwé ngui i boñ kii yosôna a gwé ngôñ. A bi “hek mam momasôna” i ngii ni ’isi. (Masoola 4:​8, 11) Maselna ni bés, Djob a gwé bé bibôdle to lisuk. A niñ i boga ni boga.​—Tjémbi 90:2.

3. Djob a gwé ngandak bitel, ndi a gwé ndigi jôl jada

Inyu tehe maselna ma yé ipôla jôl li Djob ni bitel gwé, tuk VIDÉÔ, i mbus ni kwélél mbadga ini.

VIDÉÔ: Ngandak mangédi, ndi jôl jada (0:41)

• Mambe maselna ma yé ipôla i tel ini le “Nwet” ni jôl le Yéhôva?

Bibel i nkal le bôt ba mbégés ngandak mop. Añ Tjémbi 136:1-3, i mbus ni kwélél mbadga ini:

• Njee a yé “Nyambe nu banyambe” ni “Nwet nu bet”?

4. Yéhôva a ngwés le u yi, u gwélél ki jôl jé

VIDÉÔ: Baa Djob a gwé ngim jôl?​—Dinyo malép (3:11)

• Baa u nhoñol le Yéhôva a gwé ngôñ le bôt ba yi jôl jé? Inyuki?

Yéhôva a ngwés le bôt ba gwélél jôl jé. Añ Rôma 10:13, i mbus ni kwélél mambadga mana:

• Inyuki i yé nseñ i gwélél jôl li Yéhôva?

• Kii u yé u nôgda ngéda mut a nsébél we ni jôl joñ?

• U nhoñol le kii Yéhôva a nôgda ngéda ba nsébél nye ni jôl jé?

5. Yéhôva a ngwés le u ba liwanda jé

VIDÉÔ: Nyiña wem u bañga Djob (8:18)

• Lelaa niñ i Soten i bi héñha ngéda a bi yi le Djob a gwé jôl?

Ilole u yila liwanda li mut, u mbôk ndugi u yi jôl jé. Añ Yakôbô 4:8a, i mbus ni kwélél mambadga mana:

• Kii Yéhôva a mbat le u boñ?

• Lelaa i yi jôl li Djob ni i gwélél jo i nla hôla we i kôôge bebee ni nye?

I SEM KWEP

Jôl li bañga Djob le Yéhôva. A ngwés le di yi, di gwélél ki jôl li inyu kôôge nye bebee.

Mambadga ma mbigda

• Inyuki Yéhôva a yé mahéñha ni mana mop mape bôt ba mbégés?

• Inyuki di nlama gwélél jôl li Djob?

• Inyuki Yéhôva a ngwés le u kôôge nye bebee?

KÔNDE YÉÑ

Di wan manjom matan ma ma ñéba bés le Djob a yé toi.

“Baa Djob a yé?” (kee i jw.org)

Inyuki di nla hémle le Djob a gwé bé bibôdle to lisuk?

“Njee a bi hek Nyambe?” (Nkum Ntat, 1 Hikañ 2014)

Béñge inyuki di nlama gwélél jôl li Djob to ibale di nyi bé lelaa ba bé sébél nye ngéda kôba.

“Njee a yé Yéhôva?” (kee i jw.org)

Baa i jôl di ngwélél inyu sébél Djob li gwé mahee? Béñge inyuki di nkal le a gwé ndigi bañga jôl jada.

“Djob a gwé môl mañen?” (kee i jw.org)