Niiga i nya i ntomb

Kii Yésu a bi boñ

VIDÉÔ: Yésu a nyoñ dihéga inyu unda le Tata wés a ntôñ bés

1. Béñge VIDÉÔ, tole añ Matéô 6:25-27. I mbus, timbhe mambadga mana:

1. Lelaa Yésu a ngwélél dihéga inyu unda le Yéhôva a ntôñ bés?

2. To hala kiki Yésu a bé yi ngandak mam inyu dinuni, inyuki a bi telbene ndik isisii man jam mu? Inyuki likeñge li li bé lilam?

Kii ndémbél i Yésu i niiga bés?

2. I ngéda biniigana gwés bi ntomb, bôt ba nla tééda i yom di nkal bo, hala a nla yak tihba miñem nwap.

Kôna Yésu

3. U pot bañ ngandak. Iloole u kal i mam momasôna u nyi inyu ngim nkwel, pôdôl ndik nye mam ma yé mukété kaat nan yigil. I mbus le u mbat nnigil woñ mbadga, bem le a timbhe. Ibale a nyi bé ndimbhe, tole mahoñol mé ma nkiha bé ni biniigana bi Bibel, bat nye mambadga mape inyu hôla nye i ôt pék. Ibale a nok balôm ba matode, kena yigil ni bisu.

4. Gwélél i yom nnigil woñ a nyi inyu hôla nye i nok mam ma mondo. Kiki hihéga, ilole ni njôp i yigil i i mpôdôl bitugne, ni bigda i yom ni bi nigil inyu bawoga.

5. Tibil gwélél dihéga. Ilole u ngwélél hihéga, badba le:

1. ‘Baa hihéga hini hi ntomb i nok?’

2. ‘Baa nnigil wem a ga pala nok hio?’

3. ‘Baa hi ga hôla nye i bigda balôm ba matode, tole i yom a ga tééda, i yé ndik hihéga?’