“Me nunu! Om me!”

U nlama kôna mahoñol malam ma Yésaya a bééna. A bi unda le a yé mut hémle ngeñ a bi neebe ngélé yada i ke boñ ngim nson ibabé le ba toñle nye mam momasô inyu bôlô i. (Yésaya 6:8) Baa yak we u nla tjek niñ yoñ kayéle u ke i sal i het batéé likalô ba ta bé ngandak? (Tjémbi 110:3) Ntiik, i yé nseñ le di ‘ôt nsoñgi’ ilole di nyoñ i nya makidik i. (Lukas 14:27, 28) Ndi, u nlama ba bebee i boñ sesema inyu ñañ nlam. (Matéô 8:20; Markô 10:28-30) Kiki di ntehe ikété vidéô ini le I ke sal i mambok batéé likalô ba ta bé ngandak, bisai di ga kôhna i nson u Yéhôva bi nloo bisesema gwobisôna di ga boñ, huum!

I MBUS VIDÉÔ, TIMBHE MAMBADGA MA MA NOÑ HA:

• Bimbe bisesema hiki mut ikété lihaa li William a bi boñ inyu ke i téé likalô i loñ Ikwatôria?

• Mambe mam ba bi wan i ngéda ba bé pohol i homa ba nke sal?

• Bimbe bisai ba bi kôhna?

• Hee di nla kuhul maéba inyu yi numbe homa batéé likakô ba ta bé ngandak?

NGÉDA NDAP NAN LIHAA I NKODBA INYU BÉGÉS DJOB NTÔÑ DILO DI NLO, NI KWÉLÉL MAMBADGA MA MA NOÑ HA:

• Lelaa lihaa jés li nla kéñbaha nson wé? (km 8/11 4-6)

• Ibale di nla bé ke i homa batéé likakô ba ta bé ngandak, kii di nla boñ inyu hôla likoda jés? (w16.03-F 23-25)