Hôlôs Likeñge Joñ Inyu Likalô​—Niiga nnigil Bibel i kôôba yigil

INYUKI HALA A YÉ NSEÑ: Ngéda ba nkôôba yigil, banigil Bibel ba nla tibil nok ni bigda jam di niiga bo. Mu kiki ba nke ni bisu i nok ni i bigda mam, ba mpala hol i pes mbuu. Yak i mbus sôble yap, inyu boñ le ba ke ni bisu i ‘yén péé,’ i ga béda le ba kôôba inyu makoda ni inyu likalô. (Matéô 25:13) Jon, i yi lelaa ba nlama kôôba, ni bana ntjegek ngéda inyu yigil, i ga hôla bo niñ yap yosôna. I bibôdle yaga, di nlama hôla banigil Bibel i bana lem i kôôba yigil yap Bibel.

LELAA U NLA BOÑ:

• 

  Ba loñge ndémbél. (Rôma 2:21) Kôôba yigil, u ban-ga nnigil Bibel mahoñol. (km 11/15 3) Nwas le a tehe lelaa kaat yoñ i yé nkôôbaga

• 

  Ti nye makénd i kôôba. Ngéda yigil i mal tééba, yis nye le i kôôba yigil i yé jam jada ikété bitelbene u nyoñ inyu nigil Bibel ni nye. Toñle nye nseñ a ga bana i boñ hala. Ti nye maéba a nla gwélél inyu léba ngéda i kôôba yigil yé. Inyu yigil yada, lôk kéé ipe i nwas le nnigil Bibel a gwélél kaat yé yigil i i yé nkôôbaga inyu hôla nye i tehe nseñ i ngôôba. Bégés nye ngéda a nkôôba

• Unda nye lelaa a nlama kôôba. Ngéda ba yé bibôdle, lôk kéé ihogi i mpohol i tégbaha yigil yada inyu unda nnigil Bibel lelaa a nla kôôba ngim pes mu kaat yigil