DI NIÑIK KIKI BIKRISTEN
Hôlôs likeñge joñ inyu likalô—Ligwéélak li JW.ORG
INYUKI HALA A YÉ NSEÑ: Hiki kaat di ngwélél inyu niiga i nhôla i ke i jw.org. I pot maliga, njômbi i bisu i lipep inyu yi sit yés, ni man kaat nu a gwé ño le Hee di nla lébna mandimbhe ma mambadga makeñi ma niñ? i yé i nhôla bôt i jôp i sit yés. U nla gwélél jw.org inyu ti mut kaat yada ikété bikaat di mbéna gwélél inyu gwigil bi Bibel, u ep nye yo ni njel internet, tole u ep nye njel a nla gwélél inyu añ kaat. Hala a yé nseñ ngandak téntén inyu tééne mut a mpot hilémb hipe likalô. Jam lipe li yé le, bôt ba nla bat mambadga ma mandimbhe ma ta bé mu bikaat di ngwélél inyu gwigil. Ibale di nyi gwélél sit, di nla ba nkôôbaga loñge i tibil téé likalô.
LELAA DI NLA BOÑ:
Gwélél homa le “BINIIGANA BI BIBEL”. Hégda le u yé tééne ngwal likalô nu a gwé ngôñ ni biniigana inyu néñés bon. Kee homa a gwé ño le BINIIGANA BI BIBEL > LIBII NI NDAP LIHAA.
Gwélél homa le “BIKAAT.” Hégda le u yé tééne ñudu suklu likalô, u nsômbôl unda nye man kaat nunu le Mandimbhe inyu 10 li mambadga boñge ba wanda ba mbéna bat. Kee homa a gwé ño le BIKAAT > BIKAAT NI BON BA BIKAAT.
Gwélél homa le “INYU YI BÉS.” Hégda le u yé tééne liwanda joñ li bôlô likalô, nu a gwé ngôñ i añ biniigana bi sem kwep bi bi mpôdôl hémle yés. Kee homa a gwé ño le INYU YI BÉS > MAMBADGA BÔT BA MBÉNA BAT.
BÉÑGE VIDÉÔ I GWÉ ÑO LE LIGWÉÉLAK LI JW.ORG, I MBUS BÉÑGE HEE U NLAMA KE MU I SIT INYU HÔLA:
mut nu a nhémle bé le Djob a yé
mut nu a ntip boma bikuu
mankéé nu munlôm tole nu muda nu a nwaa téé likalô
mut nu u nke boñ lipeple ndi a mbat le hee di nyoñ moni inyu nson wés
mut loñ ipe nu a gwé ngôñ i tégbaha makoda ngéda a’ témb i loñ yé