Baa u ntehe bilem bi Djob bi bi nene bé?

Ngéda u mbéñge loñge mbônji, ngii nyonok ni tjôdôt, tole lipôô li li yé lilam, baa u ntehe nson u Nhek? Bihégél bi bi nkéña bés bi ñunda toi bilem bi Yéhôva. (Rôma 1:20) Ngeñ di nyoñ ngéda i memle mam mis més ma ntehe, di nla pam i yi lipémba, gwéha, pék, ni télépsép i Djob, ni lem yé likap.​—Tjémbi 104:24.

Bimbe gwom u mbéna tehe hiki kel mu bihégél bi Yéhôva? To ibale u niñ i tison, u nla tehe dinuni tole bie. I yoñ ngéda i béñge bihégél bi Yéhôva i ga hôla we i bana ñem nwee, i bok mahoñol ngii mam ma yé nseñ, ni i hôlôs botñem le Yéhôva a gwé ngap i tôñ bés i boga ni boga. (Matéô 6:25-32) Ibale u gwé bon, hôla bo i tehe bilem bi Yéhôva. Mu kii di mba di ndiihe bihégél bi nkéña bés, la nyen d’a kôôge Nhek wés bebee.​—Tjémbi 8:3, 4.

BÉÑGE VIDÉÔ I GWÉ ÑO LE MINSON MI HÉLHA MI DJOB MI ÑUNDA LIPÉM JÉ​—MAPUBI NI MINSONOL, I MBUS U TIMBHE MAMBAGDA MA NOÑ:

• Kii i yé i bôña inyu boñ le di tehe minsonol?

• Kii i mboñ le inoñnaga ni het di tééne, nlélém nsonol u nene mahéñha?

• Inyuki di ntehe mintén ni mintén mi minsonol i ngii?

• Mimbe minsonol u mbéna tehe ipañ ndap yoñ?

• Inyuki di nlama yoñ ngéda inyu memle gwom Djob a bi hek i nkoñ isi?