Letee ni limbe likala u ngwés Bañga i Djob?

Bibel i gwé mahoñol ni bibañga bi Yéhôva Djob, Nwet matila i ini kaat pubi. (2 Pétrô 1:20, 21) Ngéda Bibel i nyigye le Ane Djob i ga sôñ kahap Djob a gwé i ngii bihégél gwé, i nti bôt ba binam botñem le ndék ngéda dilo dilam d’a ba. Bibel i nyeelene ki bés libak lilam li Isañ wés nu ngii le Yéhôva.​—Tjémbi 86:15.

Hiki wada wés a ndiihe Bañga i Djob inyu ngandak manjom. Inyu unda le likébla li li yé tik i mis més, baa di nsoñgol Bibel hiki kel, di biak ki yom di nsoñgol i bibôñôl? Di nsoohe le maboñok més ma kiha ni mahoñol ma ntôptjémbi nu a kal le: “Kinje gwéha me ngwés mbén yoñ!”​—Tjémbi 119:97.

BÉÑGE VIDÉÔ I GWÉ ÑO LE BA BI DIIHE BIBEL​—MAN ÑAÑ (WILLIAM TYNDALE), I MBUS TIMBHE MAMBADGA MANA:

• 

  Inyuki William Tyndale a bi kobol ngim bipes bi Bibel?

• Inyuki biliya gwé i kobol Bibel bi nhélhana?

• Lelaa ngobol i Bibel i Tyndale i bi jôp i loñ Ngisi?

• Lelaa hiki wada wés a nla unda le a ndiihe Bañga i Djob?