Hôlôs Likeñge Joñ Inyu Niiga​—Boñ le nkwel woñ u kiha ni ngôñ i bôt u mpôdôs

INYUKI HALA A YÉ NSEÑ: Minhook ni mintômba mimpe mi naña bôt ba matén momasôna i “yoñ malép ma niñ yañga.” (Masoola 22:17) Malép ma, ma yé yimbne i bitelbene gwobisôna Yéhôva a nyoñ inyu kobol i bet ba nôgôl nye i béba ni i nyemb. Inyu hôla i bôt ba gwé bé minlélém mi bilem bi loñ ni minlélém mi bibégés ni bés, di nlama añle bo “ñañ nlam u boga” i nya i ntihba hiki wada wap.​—Masoola 14:6.

KII U NLA BOÑ:

• Pohol ngim nkwel ni pes kaat bi bi ga tihba miñem mi bôt ba libôga joñ. U nla gwélél dihéga di minkwel tole ngim likeñge i i bi num matam malam. Mimbe minkwel ni minlôñ mi Bibel mi nlémél bôt? Baa bôt ba mpôdôl tole ba nhoñol ngim jam i i mbôña libôga joñ? Kii i nla lémél munlôm tole muda?

• I ngéda u nkwel ni bôt, yéga bo, u gwélél ki bi- lem bôt ba mbéna bana mu libôga joñ.​—2 Korintô 6:3, 4

• Mea ni bikaat ni bividéô bi yé mu Nkuu wés bisélél inyu niiga kayéle u ba bebee i hôla mut a gwé ngôñ yi maliga

• Mu kei yoñ, ha bividéô, ni mam mape ma ma nla hôla bôt ba ba mpot dilémb dipe mu libôga joñ

• Boñ le nkwel woñ u kiha ni ngôñ i bôt u mboma. (1 Korintô 9:19-23) Kiki héga, kii w’a kal ibale u nok le nwet ndap a ntip nimis mut a gwéhék?

[Nkéñég matila i lipep 7]

• BÉÑGE VIDÉÔ, I MBUS TIMBHE MAMBADGA MANA:

• Umbe nkwel ntéé likalô a bi bôdôl ni nwet ndap?

• Mu niñ yé, kii i bi pémél nwet ndap?

• Imbe pes kaat i bé loñge ha ngéda i, inyuki?