MASÔÔ MA NKUS MA BIBEL | MANYODI 10-11

Môsi bo Arôn ba bi unda le ba gwé ñem ngui

10:3-6, 24-26, 28; 11:4-8

Môsi bo Arôn ba bi éba le ba bééna ñem ngui ni makénd ngéda ba bi pôdôs Faraô nu a bé ane nkoñ ’isi ha ngéda i. Kii i bi hôla bo i boñ hala? Bibel i nkal inyu Môsi le: “Inyu hémle nyen a bi nyodi i Égiptô, ndi a kon bé hiun hi kiñe woñi, inyule a bi ke ni bisu i téñbe wengoñle a ntehe Nu a nene bé.” (Lôk Héber 11:27) Môsi bo Arôn ba bééna hémle i ngui ipañ Yéhôva, ba bôdlak nye ñem.

Ibale u yé i bisu bi ngim ñane, lelaa u nla unda le u gwé ñem i ngui?

Bititii: Mangéda ma ma nla bat ñem ngui. 1. Mange a téé ipañ mawanda mé ma suklu ma ma nyéga libadô li nyuñg. 2. Mankéé a téé i bisu bi bakéés. 3. Njohok mankéé i yé likalô, a nti nwet ndap man lipep, litôwa li sônda li yé tagbe bebee ni bo.