Telep siñ siñ inyule lisuk li yé bebee

INYUKI HALA A YÉ NSEÑ: Ndék ngéda, di ga boma mam ma ma ga bat le di bana ñem ngui, di bôdôl ki Yéhôva ñem iloo kiki ngéda bisu. Njiiha ikeñi i ga bôdôl ni tjiba i kwéha base. (Matéô 24:21; Masoola 17:16, 17) Bebek ha ngéda i, di ga legel nwin u u ga bat makénd. (Masoola 16:21) Gôg nu Magôg a ga leñ bés gwét. (Ézékiel 38:10-12, 14-16) Inyu timbhe nye, Yéhôva a ga lona “gwét bi hilo hikeñi hi Nyambe nu ngui yosôna.” (Masoola 16:14, 16) Inyu bana ñem ngui i dilo di nlo, di nlama éba ndéñbe yés ibôdôl nano.

LELAA DI NLA BOÑ:

• Nit matiñ ma téé sép ma Yéhôva ni makénd.​—Yésaya 5:20

• Kee ni bisu i bégés Yéhôva ni lôk kéé ipe.​—Lôk Héber 10:24, 25

• Hoo nôgôl bitelbene bi ntôñ u Yéhôva.​—Lôk Héber 13:17

• Soñda lelaa Yéhôva a bi tohol litén jé i ngéda kôba.​—2 Pétrô 2:9

• Soohe Yéhôva, u bôdôl ki nye ñem.​—Tjémbi 112:7, 8

BÉÑGE VIDÉÔ I GWÉ ÑO LE MAM MA GA BAT LE DI BANA ÑEM NGUI​—DINYO MALÉP, I MBUS TIMBHE MAMBADGA MANA:

• 

  I ngéda ba bi pôdna makoda, lelaa manôgla ma batéé likalô ba likoda jada ma bi wéna?

• 

  Mambe maada ñem ngui u gwé ni manôgla?

• 

  Ngéda gwét bi Armagédôn bi ga bôdôl, inyuki di ga bana ngôñ ni ñem ngui?

• 

  Umbe ñañ u Bibel u nhôla bés i lédés hémle yés le Yéhôva a nla tohol bés?​—2 Miñañ 20:1-24