DI NIÑIK KIKI BIKRISTEN
Bégés Yéhôva kiki nsañal
Lôk Israel i bééna ngandak manjom i bégés Yéhôva. Yéhôva a bi pémés bo i Égiptô, a bi sôñ ki bo i moo ma ntôñ gwét u Faraô! (Manyodi 15:1, 2) Yéhôva a nke ni bisu i unda litén jé loñgeñem. Lelaa di nla ti Yéhôva mayéga inyu mam a mbôñôl bés?—Tjémbi 116:12.
Njel yada i yé le u yoñ bôlô nsañal nu pes ngéda tole nu ngéda yosôna. U nla soohe Yéhôva le a ti we ngôñ ni ngui inyu ba nsañal. (Filipi 2:13) Ngandak i mbôdôl ni bôlô nsañal nu pes ngéda. U nla pohol i boñ ipôla 30 tole 50 ngeñ i sôñ Matumb ni sôñ Matôp yak i ngéda ngwélél makiiña a nyuuga likoda joñ. Ngéda w’a nôgda maséé ma yé i ba nsañal nu pes ngéda, w’a gwés yoñ bôlô i nsañal nu ngéda yosôna. Yak bet ba nsal kel yosôna ni bet ba gwé makon ba bi la yoñ bôlô nsañal nu ngéda yosôna. (mwb16.07 8) Ibabé nkaa, Yéhôva a kôli le di boñ kii yosôna di nla inyu bégés nye!—1 Miñañ 16:25.
BÉÑGE VIDÉÔ I GWÉ ÑO LE BIKRISTEN BI BÔDA BAA BI BI YÉ LINYAÑ I LOÑ MOÑGÔLIA, I MBUS TIMBHE MAMBADGA MANA:
Mambe mandutu lôknyañ yo aa i bi boma, kii ba bi boñ inyu yila basañal?
Bimbe bisai ba bi kôhna?
Mambe mam mape ba bi la boñ mu kiki ba bi yoñ bôlô nsañal?
Lelaa ndémbél yap i bi tihba bôt bape?