Yoñ yihe le u tôô bañ bitembee

I len ini, ba nla pala éble didun di bôt manwin ni njel mapep, nkuu mahop, nkuu biliñgeliñge tole internet. Bagwélél ba “Nyambe nu maliga” ba nlama bé tôô bitembee, to ba nkôôba to ba nkôôba bé. (Tjémbi 31:6; Manyodi 23:1) Bitembee di ñañle bôt bape bi yé le bi boñ bôt béba. Inyu yi too ngim jam i yé maliga, badba le:

• ‘Baa ñañ unu, u nlôl yak mut me nla bôdôl ñem?’ Bebek i mut a ñañle we añ u, a nyi bé mam momasôna ma mbéñge ñañ u. Ngéda ñañ u nyodi yak ngim mut, u bol yak mut numpe, u mbéna héñha, jon di nlama yoñ yihe ibale di nyi bé lelaa ñañ u bi bôdôl. Kiki bikristen bi mbôdôl mimañ mi likoda ñem, mi nlama yoñ yihe le mi añal bañ jam ibale ba ta bé nkwoog nkaa le li yé maliga

• ‘Baa ñañ unu, u ñôbôs mut jôl?’ Ibale ñañ u, u ñôbôs jôl li mut tole jôl li ngim ntôñ, i yé loñge le di tôô bañ wo.​—Bingéngén 18:8; Filipi 4:8

• ‘Baa ñañ u, u téé?’ I ngéda ngim jam i mpôda ngandak yoñ yihe ni jo

BÉÑGE VIDÉÔ INI LE LELAA ME NLA NWAS HILÉGÉ? I MBUS U TIMBHE MAMBADGA MANA:

• 

  Inoñnaga ni Bingéngén 12:18, imbe béba bibuk bi nla boñ mut?

• 

  Lelaa Filipi 2:4 a nla hôla bés i bana pék ngéda di mpôdôl bôt bape?

• 

  Ngéda bôt ba mbôdôl sok mut i bisu gwés, kii di nlama boñ?

• 

  Ilole di mbôdôl pot jôl li mut, mambe mambadga di nlama badba?