Gwéha yés i nene ngéda di nit bikodlene bi Yéhôva

I ngéda ba mpémés mut i ntôñ, hala a ntat likoda, hala a nkodol ki nwet a mboñ béba. (1 Korintô 5:6, 11) Di ñéba gwéha i ngéda di nit bikodlene bi Yéhôva. Lelaa hala a nla ba maliga i ngéda di nyi le i pémés mut i ntôñ i ntééñga bôt bobasôna, hala wee bôt bé ba lihaa yak mimañ mi nkit i hop u?

I ngii mam momasôna, di ñéba le di nsômbôl bé hindis jôl li Yéhôva, ni le di ndiihe matiñ mé inyu mapubi. (1 Pétrô 1:14-16) Di ñéba yak i nwet ba mpémés i ntôñ le di ngwés nye. To hala kiki bikodlene bi nôgha njôghe, bi nla hôla i num “litam li telepsép.” (Lôk Héber 12:5, 6, 11) Di nkolba bikodlene bi Yéhôva i ngéda di nke ni bisu i pôdôs tole i kiha ni mut ba mpémés ntôñ tole ni mut a mpam i ntôñ ni nyemede. U hôya bañ le Yéhôva a nôgôs bagwélél bé “ni hihéga.” (Yérémia 30:11) Di gwé botñem le i nwet ba mpémés i ntôñ a’ tiimba bôdôl sélél Yéhôva, ndi bés di nke ni bisu i nit bikodlene bi Yéhôva ni i bana maada malam ni nye.​—Yésaya 1:16-18; 55:7.

BÉÑGE VIDÉÔ I GWÉ ÑO LE TÉÑBE NI ÑEM WONSÔNA, I MBUS TIMBHE MAMBADGA MANA:

• 

  Imbe njôghe bagwal ba ba yé bikristen ba nôgda i ngéda man wap a ntjôô Yéhôva?

• 

  Lelaa likoda li nla nit bôt ba lihaa ba nwet ba mpémés i ntôñ?

• 

  Umbe ñañ u Bibel u ñunda nseñ u yé i téñbe ni Yéhôva ilole di téñbe ni bôt bés ba lihaa?

• 

  Lelaa di nla éba le ndéñbe yés inyu Yéhôva i nloo ndéñbe yés inyu lihaa jés?