Di ba nkôôbaga munu manut ma nsôk ma “dilo di nsôk”

Kiki di niñ i manut ma nsôk ma “dilo di nsôk,” mam ma nke ndik ni bisu i bep, bep ni bep. (2 Timôtéô 3:1; Matéô 24:8) Ngéda bagwélél ba Yéhôva ba mboma bikuu, ba yé ba kôhna maéba ni mahôla i ngéda i kôli. Di ga pei ndik ibale di mbôdôl kôôba nano, i pes mbuu ni i pes minsôn.​—Lukas 16:10.

• Ngôôba i pes mbuu: Bana lem i nigil Bibel. Nigil ngandak makeñge inyu téé likalô. U kon bañ woñi ibale ngim ngéda ba mbagal we ni lôk kéé i likoda. (Yésaya 30:15) Kekikel w’a ba bé wetama, Yéhôva bo Yésu b’a ba ni we.​—od 176 § 15-17

• Ngôôba i pes minsôn: Kôôba bot inyu mpuhge ngéda, mukété u nla ha ndék bijek i i mbol bé, malép, bee u mbéna yoñ, torche, ni gwom bipe u mbéna gwélél. Ibale u sôli i ngim homa inyu ntandaa ngéda, u nla gwélél minlélém mi gwom.​—Bingéngén 22:3; g17.5 4,  6

BÉÑGE VIDÉÔ I GWÉ ÑO LE BAA NI YÉ NKÔÔBAGA INYU BIKUU?, I MBUS U TIMBHE MAMBADGA MANA:

• 

  Lelaa di nla kôôba i pes mbuu inyu bikuu?

• 

  Inyuki di nlama: . . .

  • ke ni bisu i kwel ni mimañ?

  • kôôba bot inyu mpuhge ngéda?

  • inyuki i yé nseñ i noode hégda bimbe bikuu bi nla kwél libôga jés, ni kii di nla boñ ibale hala a mpémél bés?

• 

  Mambe manjel maa di nla gwélél inyu hôla bôt bape ngéda bikuu bi nkwo?

BADBA LE, ‘Bimbe biniigana me ñôt munu himala hini le COVID-19?’