I tihba miñem mi bôt

Di nlama nôgôl Djob ni ñem wés wonsôna. (Bingéngén 3:1) Jon ngéda di niiga, di nlama boñ biliya gwobisôna inyu tihba miñem mi bôt ba ñemble bés. Lelaa?

U niiga ndik bañ mut maliga ma Bibel, hôla ki nye i nok lelaa i mam a nigil ma nla lémés niñ yé, ma lédés ki maada mé ni Yéhôva. Hôla nye i yimbe le matiñ ma Djob ma ñéba gwéha yé, loñge yé ñem ni telepsép yé. Ni loñge ñem, gwélél mambadga inyu hôla nye i wanba inyu yi mambe mahee yigil yé i gwééne nye mu niñ yé. Hôla nye i tehe lelaa niñ yé i nla lama ibale a nhéñha lem be tole libak libe a gwé. Ngéda u ntehe i mut we ni ye ni nigil Bibel a ngwés Yéhôva ni ñem wé wonsôna, maséé moñ ma nkônde keñep.

BÉÑGE VIDÉÔ I GWÉ ÑO LE NÔGDA MASÉÉ I YILHA BÔT BANIGIL​—HÔLÔS LIKEÑGE JOÑ​—I TIHBA MIÑEM MI BÔT, I MBUS TIMBHE MAMBADGA MANA:

• 

  Inyuki Neeta a mbat Jade le: “Baa u bi ôt mahoñol mu nkwel di bi bana tokekii?”

• 

  Lelaa Neeta a bi hôla Jade i nok le matiñ ma Yéhôva ma yé inyu loñge yé?

• 

  Lelaa Neeta a bi hôla Jade i unda Djob le a ngwés nye?