Gwélél man kaat le Niñ ilam i boga ni boga! i likalô

Kinje maséé i yi le ndék ngéda di ga bôdôl gwélél kaat i mondo ni man kaat i mondo inyu tégbaha gwigil bi Bibel! Di nsoohe Yéhôva le a sayap biliya di mboñ inyu hôla ngandak bôt i yila banigil. (Matéô 28:18-20; 1 Korintô 3:6-9) Ndi, lelaa di nla gwélél bikaat bi mondo bini?

Kiki kaat mondo ini le Niñ ilam i boga ni boga!, yigil Bibel kiki nkwel, i gwé makeñge ma mondo inyu tégbaha gwigil, jon u nlama tibil kôôba inyu yi lelaa u nla gwélél yo inyu tégbaha gwigil.a

• Añ ndugi maben, i mbus ni kwélél mambadga

• Añ minlôñ mi Bibel het ba ntila le “añ,” i mbus hôla nnigil Bibel i yi lelaa a nla bii i yom a ñañ i bisélél

• Tuk vidéô i mbus ni kwélél mambadga ma nene ha isi

• Ngéda u mbôdôl nigil ngim pes, boñ biliya i mélés yo

I likalô, ibale mut a ñéba le a nsômbôl nigil Bibel, ti ndugi nye man kaat. (Béñge minkéñék matila le “Lelaa u nla ti man kaat le Niñ ilam i boga ni boga! i Nkwel u bisu.”) Ibale u mal nigil man kaat ni nnigil, ndi nnigil a nsômbôl kena yigil yé ni bisu, w’a ti nye kaat, ni bôdôl i pes i yôhne 04. Ibale we ni nnigil Bibel ni yé nigil i kaat ini le Kii Bibel i niiga bés tole Lelaa di nla tééda bésbomede ikété gwéha i Nyambe, kee ngélé yada munu kaat ini le Niñ ilam i boga ni boga! u tep i homa ni nla bôdôl.

BÉÑGE VIDÉÔ I GWÉ ÑO LE DI NTI WE MAKÉND I NIGIL BIBEL, I MBUS TIMBHE MAMBADGA MANA:

• Kii banigil Bibel ba ga nigil munu kaat mondo ini?

• Inyuki u nlama éba i mut a ntip bôdôl nigil Bibel i vidéô ini?

• Mambe mam u nla ti nnigil Bibel makénd i boñ ndék ni ndék?​—Béñge minkéñék matila le “Dinyo malép ni mam nnigil a nlama boñ i hiki liboñ”