Kee ni bisu i yi wan mam

Nlélém kiki nkengwéé a nhianda minsôn inyu boñ le a kônde hôlôs likeñge jé, hala yak nyen di nlama ke ni bisu i boñ biliya inyu yi wan mam. (Lôk Héber 5:14) Ngéda di gwé makidik i yoñ, di nla hoñol le i yé loñge i boñ kiki bape, ndi ibale di nke ni bisu i yi wan mam bésbomede, d’a yoñ makidik malam. Inyuki? Inyule Nyambe a ga kéés hiki mut inoñnaga ni makidik mé.​—Rôma 14:12.

Di hoñol bañ le di ga yoñ ndigi makidik malam inyule di yé nsôblege hala a yé ngandak nwii. Inyu yoñ makidik malam, di nlama bôdôl Yéhôva ñem, di bôdôl ki Lipôdôl jé ni ntôñ wé ñem.​—Yôsua 1:7, 8; Bingéngén 3:5, 6; Matéô 24:45.

BÉÑGE VIDÉÔ I GWÉ ÑO LE TÉÉDA LOÑGE KIÑÑEM,” I MBUS TIMBHE MAMBADGA MANA:

• 

  Mambe makidik Émma a bé lama yoñ?

• 

  Ngéda makidik ma mbéñge kiññem i mut, inyuki di nlama bé kal nye i jam a nlama boñ?

• 

  Mambe maéba malam babiina bada ba bi ti Émma?

• 

  Hee Émma a bi lébna mahôla mu ndutu a bé boma?