Nson nsañal

Di ngwélél ngui yés ni pék i ngéda di ntéé ngim mam di nsômbôl boñ i pes mbuu. (1 Korintô 9:26) I téé mam di nsômbôl boñ i pes mbuu, i nhôla bés i tibil gwélél ngéda i yii bés ilole lisuk li nlo. (Éfésô 5:15, 16) I bibégés binan bi ndap lihaa, hiki mut a nla kal i yom a nsômbôl yônôs i nwii nson u u nlo. Inyu hôla we, i kaat i ñem sonde ini, i gwé miño mi minkwel mi nla hôla we i téé i mam u nsômbôl boñ i pes mbuu. Bat Yéhôva mahôla ikété masoohe.—Yakôbô 1:5.

Kiki hihéga, baa lihaa jolisôna li nla boñ ntjega inyu boñ le to mut wada a yila nsañal? Ibale u nkon woñi le u ga nla bé yônôs ngeñ i mbéda inyu ba nsañal, kwel ni basañal ba ba pégi kiki we. (Bingéngén 15:22) Bebek, we ni lihaa joñ ni nla naña nsañal wada i bibégés binan bi ndap lihaa, ni bat nye mambadga manan. I mbus, ni tila ntjega nan ngim homa. Ibale u bi bôk u ba nsañal, wan ngéda yoñ, u tehe ibale u nla tiimba gwel nson nsañal.

Mu lihaa joñ, baa ngim bôt i nla yoñ nson nsañal inyu sôñ yada tole inyu ngandak sôñ? Ibale u gwé ha bé ngui, u nla yoñ nson nsañal inyu pes ngéda, u tééyak likalô ndék ndék hiki kel. Ibale u gwé bé ngéda i téé likalô i ñem sonde inyule u nsal tole u nke suklu, u nla pohol sôñ i het u yé i noi tole sôñ i i gwé masuk ma sonde matan inyu ba nsañal. I kalénda ni kwet i sôñ ni nsômbôl ba nsañal, ni tila ki ntjega i lipep.—Bingéngén 21:5.

BÉÑGE VIDÉÔ I GWÉ ÑO LE BANA ÑEM NGUI . . . A WE NSAÑAL, I MBUS TIMBHE MBADGA INI:

• Yéhôva a nyoñ ndun ni bagwélél bé ba ba yé basañal. Lelaa ñañ u sita Aamand u ñéba bés hala?