Kôôba nano ibale ba nlama pala kena we dokta

Inyuki u nlama kôôba? Kon u nla puhe we, jon i kôôba nano i ga hôla we i bana matibla malam ibale ba nlama pala kena we i dokta. I ngéda u mboñ hala, u ñéba le u ndiihe niñ, ni le u ndiihe ki mbén i Yéhôva i i mbéñge matjél.​—Minson mi baôma 15:28, 29.

Kii u nla boñ?

• Soohe, u yônôs ki lipep joñ li matjél le (DPA).a I lôk kéé i i gwé bon, i ga bat mimañ lipep lini le Attestation individuelle (ic)

• Bôda ba mém ba ga bat mimañ lipep lini le Information pour les femmes enceintes (S-401). Lipep li li ga hôla bo i yoñ makidik malam mu jém jap ni i ngéda ba ga gwal

• Ibale i ga béda le ba pala kena we i dokta, ndi i nenge le i ga béda le ba ha we matjél, yis mimañ nwoñ i bisu i ngéda, u yis ki bidokta le mimañ mi ga yuuga we

Kii mimañ mi nla boñ? Ba nla hôla we i yônôs lipep joñ li matjél le DPA. Ndi mimañ mi nyoñ bé makidik inyu yoñ, mi nti bé to mahoñol map bomede. (Rôma 14:12; Galatia 6:5) I ngéda u nkal mimañ le u gwé ngim kon, ni le i ga béda matjél, ba mpala sébél lôk kéé i Comité de Liaison Hospitalier (CLH).

Mambe mahôla CLH i nla ti? Lôk kéé i i nsal i CLH i yé nkôôbaga inyu toñle bidokta ni bôt ba ngomin matiñ ma Mbôgi Yéhôva inyu matjél. Ba nla kal bo ngim makeñge ni ngim matibla ba nla gwélél inyu tibil Mbôgi Yéhôva ibabé i gwélél matjél. Ba nla ki hôla we i léba dokta i i ga tibil we ibabé i gwélél matjél.

BÉÑGE VIDÉÔ I I GWÉ ÑO LE LELAA DI NLA YOÑ MAKIDIK MALAM INYU MATJÉL, I MBUS TIMBHE MAMBADGA MANA:

• Munu vidéô mambe mam u nigil ma ma ga hôla we i ba nkôôbaga ibale ba nlama pala kena we i dokta?

  Your answer