Lelaa di nla hôla i mbus bikuu

I len ini, ngandak bikuu i mbéna kwél bôt. I ngéda bikuu bi nkwo, i mbéda le ba tjek mam loñge inyu boñ le i lôk kéé bikuu bi nkwél bi laa kôhna mahôla. Inyu yônôs i njômbi i, Juu li bakena ntôñ li bi téé man juu nu a ntjek mam ma mahôla ngéda bikuu bi nkwo ikété hiki hikuu hi loñ.

I ngéda lôk kéé i i nsal mu man juu nu, i nok le bikuu bi nkwo ngim homa, ba yé ba sébél mimañ mi yé ha homa nu inyu yi mambe mahôla batéé likalô ba gwé ngôñ. Ibale batéé likalô ba nla bé lona mahôla ma kôli, hikuu hi loñ hi om bilôk bikéé inyu éga nson u mahôla. I bilôk bikéé bi, bi nla bat le bilôk bikéé bipe bi hôla bo tole bi nla bat makébla, tole bi nla somb i gwom lôk kéé i gwé ngôñ, bi kébha bo gwo.

Mam ma nke loñge i ngéda mam ma yé ntjegek, inyule hala a mboñ le lôk kéé i nsal bé tolaa tolaa, yubda i ta bé. Hala a mboñ ki le ba ôbôs bañ moni ni bisélél bi bi nlama gwéélana inyu lona mahôla.

Lôk kéé hikuu hi loñ hi ñep i ñôt mahoñol inyu yi moni nwañen mi mbéda ni lôk kéé yañen i mbéda inyu lona mahôla. Ba nla yak sal ni bôt ba ngomin ba ba nla hôla bés i hoo lona lôk kéé yés mahôla. Jon soho, ni yoñ bañ makidik i kot moni, i ep mahôla tole i ke i homa bikuu bi nkwo ibabé le ba ti bé kunde.

Hiki ngéda bikuu bi nkwo, di gwé ngôñ ni mahôla. (Lôk Héber 13:16) Di ngwés bilôk bikéé gwés! Kii di nla boñ? Jam li nlôôha nseñ li yé le di nla soohe inyu lôk kéé i bikuu bi nkwél ni inyu bet ba nlona bo mahôla. Di nla yak ti makébla inyu nson likalô u u mbôña i nkoñ ’isi wonsôna. Ni mahôla ma Juu li bakena ntôñ, dikuu di biloñ di nyéñ manjel momasôna inyu tibil gwélél makébla lôk kéé i nti. Ibale yak we u gwé ngôñ i ti mahôla, yônôs lipep lini le Demande d’admission comme volontaire local de développement-construction (DC-50).

BÉÑGE VIDÉÔ INI LE MALÉP MA BI HÔL I BRÉSIL, I MBUS TIMBHE MBADGA INI:

Kii i ntihba we mu biliya Mbôgi Yéhôva i bi boñ inyu hôla i bet bikuu bi bi kwél i Brésil i nwii 2020?