Makeñge Inyu Yigil

Téé mam ma nlôôha nseñ

Bésbobasôna di gwé bé ngandak ngéda inyu nigil. Lelaa di nla tibil gwélél ngéda yés? Pog, yoñ ngéda i añ. Di ga ôt nseñ ngandak ibale di nyoñ ngéda i nigil man yom iloole le di yéñ nigil ngandak mam, di boñok hala ngwéé ngwéé.

Téé mam ma nlôôha ba nseñ. (Éfésô 5:15, 16) Béñge le i mam mana:

• Añ Bibel hiki kel. (Tjémbi 1:2) Lisoñgol li Bibel li makoda ma ñem sonde li nla ba bés loñge inyu bodôl añ Bibel hiki kel.

• I kôôba yigil i Nkum Ntat ni makoda ma ñem sonde. I kôôba mandimbhe d’a ti i makoda.​—Tjémbi 22:22.

• Kiki u nléba ngéda, béñge lelaa u nla kônde gwom bipe mu ntjega woñ, kiki bo leñ jis mimbamble mi mbamba, bivideô, ni bikaat bi ntôñ bipe bi ntip pam i jw.org.

• Boñ nyiña i ngim jam. U nla boñ nyiña i ngim ndutu u mboma, i ngim mbadga u mbadba, tole i ngim yom ikété Bibel i u gwé ngôñ i tibil nok. Inyu nok i jam di nsômbôl kal, kee i jw.org ni hop Pulasi, i homa le “Explore la Bible.”