Tibil gwélél léman

Nnigil Yakôbô a bi hégha Bibel ni léman, i i nhôla bés i tehe mut wés kétékété. (Yakôbô 1:22-25) Lelaa di nla gwélél Bibel kiki léman?

Yoñ ngéda i añ yo. Ibale di mbép ndik jis inyu béñgba i léman, bebek le di ga tehe bé ngim mam i i ta bé ilam mu nyuu yés. Nlélém, ibale di ñañ Bibel bihôô bihôô, di ga tehe bé hee homa di gwé ngôñ i lona mahéñha. Inyu tehe mut wés kétékété, di nlama yoñ ngéda i wan Bibel i ngeñ di ñañ yo.

Béñge wemede, he bôt bape bé. Ngim mangéda, i ngeñ di mbéñgba i léman, di nla tehe bésbomede mu, yak bôt bape, ndi di nla bok mis més i mam ma nene bé loñge i boni. Hala nyen di nla yak gwélél Bibel inyu béñge dihôha di bôt bape. Ndi hala a ga hôla bé bés i kodol dihôha tjés tjomede.

Di ba bañ ndéñ ndéñ. Ibale di mbok mis mu bibomb gwés léman i ñunda bés, hala a yé le a tômbôs bés. Di nlama bé ba ndéñ ndéñ i ngéda di ñañ Bañga i Nyambe. Di bémél bañ bésbomede le di ga yônôs ngim mam iloo kiki Yéhôva nye a mbem le di boñ.—Yakôbô 3:17.