Kii i nla hôla we i añ Bibel hiki kel?

Kiki u pégi ngandak, baa hala a nlédél we i añ Bibel hiki kel? (Yôsua 1:8) Ibale ñ, wee noode likeñge jada munu:

• Boñ le kei yoñ i hôla we i bigda. Boñ le téléfôn yoñ i kôt i ngéda u nlama añ Bibel.

• Bii Bibel yoñ i het u nla hoo tehe yo. Ibale u ngwélél Bibel i mapep, bii yo i het u nla hoo tehe yo hiki kel.​—Ndiimba Mbén 11:18.

• Emble Bibel. Emble yo i ngéda u mboñ mam moñ. Tara a yé nsañal, a bak nyañ mbai nu a nsal ni juu, a nkal le: “I ngéda me nsal bibôlô bi ndap me emblege Bibel, hala a mboñ le kel yada i ntagbe bé ibabé le me añ Bibel.

• U tomb bañ. Ibale ngim jam i nsôña we i añ Bibel i ngéda u bi téé, añ to ndék minlôñ mi Bibel ilole u nañal. To u ñañ ndik ndék minlôñ hiki kel, hala a ga bane we nseñ.​—1 Pétrô 2:2.