Lelaa Nsohop a yé?

Ndimbhe Bibel

Nsohop a yé hégél mbuu, hala a nkobla le a gwé bé nyuu minsôn.—Éfésô 6:11, 12.

Ba mbéna ôt Nsohop ni soso nwas i moo. A mpôna nlôm kembee nu a gwé matoñ ni nwel.

Bôt ba mbéna ôt Nsohop kiki hégél i i mpôna nlôm kembee, i ban-ga matoñ, ni nwel, lôñni soso nwas. Bahogi ba nhoñol le bôt ba ngéda kôba bon ba bé ôt Nsohop hala inyule ba bé hémle dingaana ni biniigana bi bé tôl ha ngéda i.

Bibel i ntoñol le Nsohop a yé lelaa?

Bibel i ngwélél ngandak dihéga inyu pôdôl Nsohop. I dihéga di, di nhôla bé bés i yi lelaa a nene i mis, ndi i yi bilem gwé. Ndék dihéga dini:

Añgel i mapubi. Nsohop a mboñ wengoñle a nyi loñge i bôt ba binam inyu tinde bo i tjél biniigana bi Djob, le ndi ba noñ biniigana gwé.—2 Korintô 11:14.
Mbondo njéé i i nkônd. A njôs bagwélél ba Djob ni ngui yé yosôna.—1 Pétrô 5:8.
Soso kômnyoo. A nkônha woñi, a gwé ngui, a bak ki béba iloo ’héga.—Masoola 12:9.

Minlôñ mi Bibel mi mi mpôdôl Nsohop

2 Korintô 11:14: “Satan nyemede a nwaa bé héñba le a yé añgel i mapubi.”

Ndoñi: Satan a nlôk bôt le a yé loñge inyu tinde bo i tjôô biniigana bi Djob, le ndi ba noñ gwé.
Éfésô 6:11: “Ni haba bijôl bi gwét gwobisôna bi bi nlôl yak Nyambe inyu boñ le ni laa telep siñ ikolba dipa di Nsohop.”

Ndoñi: Nsohop a ngwélél dipa inyu tinde bôt i ndogbene Djob.
Yakôbô 4:7: “Jon, suhlana bébomede isi Nyambe, ndi kolbana Nsohop, ha nyen a’ ke bé ngwéé.”

Ndoñi: Mut a nla yémbél Nsohop ibale a ntjél nôgôl nye ndi a nôgôl Djob.
1 Pétrô 5:8: “Tiblana hek pék, yéna ki péé! Nkolba nan le Nsohop a nhiôm kiki mbondo njéé i i nkônd, a yéñék le a je mut.”

Ndoñi: Nsohop a ñoo i bôt ba nôgôl Djob, a nyéñ ki ôbôs maada map ni Nye.