Baa ni nti jôga jada ikété jôm (nsul)?

To, Mbôgi Yéhôva i nti bé jôga jada ikété jôm tole nsul; ndi makébla ma njômbi ñem ma bôt ba di nyi bé mon ma nit nson wés. Kii i yé jôga jada ikété jôm, ni inyuki Mbôgi Yéhôva i nti bé jo?

Oda i ti jôga jada ikété jôm, tole i ti jôga jada ikété jôm mu gwom gwobisôna mut a gwé, i bé pes Mbén i i tiba nlômbi litén li Israél. Ndi, Bibel i nkal toi le Mbén i​—hala wee yak oda i “bat jôga jada ikété hi jôm li gwom”​—i mbéñge bé bikristen.​—Lôk Héber 7:​5, 18; Kôlôsé 2:​13, 14.

Ilole di ti jôga jada ikété jôm, ni nyégsaga makébla, di nkôna bikristen bi hiai bisu, di gwéélak manjel ima inyu nit nson wés likalô: Bés bobasôna di nyoñ ngaba likalô ibabé i kôs nsaa, di tinak ki makébla ma njômbi ñem.

Ni hala, di noñ maéba Bibel i nti bikristen: “Ndi hi mut a ti kikii a nkit ñem wé, ha ni hiun bé, to nyégha nyuu, inyule Nyambe a ngwés nu a nti ni ñem maséé.”​—2 Korintô 9:7.