Njohok mañge i yé béñge bôt ba nhiôm i Ndap Ane

MAMBADGA MA BOÑGE BA WANDA

Inyuki di nlama ke i makoda i Ndap Ane?

Mbôgi Yéhôva i ntégbaha makoda map hiki sonde ngélé iba, i bahoma ba bibégés di nsébél le Mandap ma Ane (Salles du Royaume). Kii i ntagbe i Ndap Ane? Umbe nseñ u nla ôt i lo i makoda més??

Kii i ntagbe i Ndap Ane?

Ndap Ane i yé homa bibégés het bôt ba nigil i niñ inoñnaga ni matiñ ma Bibel. Makoda ma ntagbe mu ma nla hôla we:

i yi maliga inyu Djob.
i tibil nok ndoñi i mam ma mbôña munu ngéda yés.
i lémés libak joñ ni bilem gwoñ.
i léba bañga mawanda.

Baa u yik hala? Bahoma Mbôgi Yéhôva i nkodba ba nséblana le “Ndap Ane” inyule minkwel mi mi nkwélana mu mi mbéna pôdôl Ane Djob.—Matéô 6:9, 10; 24:14; Lukas 4:43.

Inyuki u nlama lo makoda?

Biniigana di nkôs mu bi ga hôla we. Mu makoda ma Mbôgi Yéhôva, di nwan matiñ ma Bibel ma ma ga hôla we i “yéñ pék” ni i kôhna yo. (Bingéngén 4:5) Hala a nkobla le Bibel i nla toi hôla we i yoñ makidik malam mu niñ yoñ. I nhôla ki we i timbhe mambadga makeñi ma niñ, kiki bo:

I makoda més ma mamélél ma sonde, di ñemble minkwel mi Bibel, kiki bo:

Inyuki di nlama nwas le Bibel i éga bés?
Hee u nla kôhna mahôla i ngéda ndutu?
Kii Ane Djob i mboñ inyu yés i len ini.

“Liwanda jem jada li suklu li bi lo likoda jés jada. A yén ni lihaa jem, di hôlga nye i noñ yigil mu bikaat gwés bi yigil. I mbus likoda, a kal me le mandimbhe bôt ba tinak mu pes yigil i mambadga ni mandimbhe, ma ntihba nye ngandak. A kônde ki le base yé i gwé bé jôga li bikaat bi yigil Bibel kiki bés.”—Brenda.

Baa u yik hala? I Ndap Ane, biyééne gwobisô bi yé kunde inyu bôt bobasô, to njañgi yo ki yo i mbéda bé.

Bilôñ bilam bi ga lédés we. Bibel i nkal le njom yada i makoda més i yé le “di tina makénd bés ni bés.” (Lôk Héber 10:24, 25) I ba lôñ yada ni bôt ba mbii gwéñe bi Djob ni bi bôt bape i bisu bi gwéñe gwap, hala a hôgbaha ñem, téntén munu nkoñ ’isi unu, u u yé nyonok ni bôt ba ntôñ ndik bomede.

“I mbus ngim kel bôlô, me mbéna nimis maséé mem inyu ngandak waa, ndi i bôt me boma i Ndap Ane ba nhôla me hiki ngéda i témbna ngui. Kayéle i mahuu mem, i mbus likoda, me yé maséé ni nkôôbaga inyu hilo hi noñ.”—Elisa.

Baa u yik hala? Makoda ma Mbôgi Yéhôva ni nkoñ ’isi wonsôna ma nloo 120 000, bahoma ba bibégés het ba nkodba ba nloo 60 000. Hiki nwii, di ñoñ bebee le 1 500 i Mandap ma Ane inyu leege i ngandak bôt i nkôndba mu nsoñgi u balo i makoda més.a

I jam bisega gwoñ bi nkal

“Ngéda me bé i Lycée, hingonda hiada hi ndap yem suklu hi bôdôl lo ni me i ngim makoda, hala a hélés nye i tehe boñge ikepam mimañ mi bôt, bobasôna ntôñ, ba niglak Bibel Hala a yé ndék dilo le yak nwet wem bôlô a bi lo i likoda, hala a tihba nye i tehe le di ngwélél Bibel ngandak mu makoda més. I maséé a bé unda ma bi kônde kéñbaha gwéha yem inyu makoda!”—Jessica.

“Me nléba le makoda ma nhôla me i hôya manjelel mem ni nduña i hiki kel. Di nigil i lémés niñ yés, libak jés ni bilem gwés, ni ngandak mam ipe. Hiki ngéda le me nhuu, i mbus likoda i Ndap Ane, me nôgda le me nkôhna ngui i mondo ni ngandak hogbe.”—Timothy.

“Mut wada me bi naña i likoda a bi kal me i mbus le: ‘Me lok ndik inyu léba ngim mahôha mu mam ni nhémle. Ndi me nsôk léba le hémle yem yon i kôdi.’ Hala a kônde ki tihba nye i tehe lelaa Mbôgi Yéhôva i yé minyaô. A kal le: ‘Ngélé yem bisu ini le me boma bé, di ni nleege me wengoñle di nyina hala a yé ngandak nwii!’”—Jacob.

“Ngim mangéda, me yé me kalba le, ‘Likoda lini li malak ndigi, yak me me huu.’ Ndi mu kiki likoda li ntagbe, me nhôya mahoñol ma ndék ni ndék. Kayéle i mbus likoda me mbôdôl kwel ni bôt, me hoñol ha bé ki to inyuki me yéñék pala huu. Ibale makoda bé, ki me gwé bé i bañga mawanda me gwé nano.

a Inyu yi hee di nkodba ngim libôga, kee i lipep lini le, “Makoda ma libôga ma Mbôgi Yéhôva” u hihe “Léba likoda i libôga joñ.”