Buk isi lipep

c Batoñol Bibel ba nhoñol le i bôt ba-na ba mpôdôl munu, ba bi ti likak inyu yila Nazir. (Ñañga bôt 6:1-21) I maliga, mbén Môsi i i bééna li likak li Nazir i bé i ma tagbe ngéda. Ndi, Paul a bi hégda le i bé bé béba le bôt ba yônôs likak ba bi ti Yéhôva. Jon, i bé bé béba le Paul a saane bo ndiyô tole a yéga bo. I yé maliga le di nyi bé likak ba bi yônôs, ndi di nhoñol le, Paul a bé bé le a nit i bôlôm bana bo ba-na ibale ba bé ti bisesema bi binuga inyu boñ le ba sas bibéba gwap kiki Nazir i bé boñ kôba. I ngéda Yésu a bi ti niñ yé kiki sesema, hala a bi boñ le bisesema bi binuga bi bééna ha bé mahee mo ki mo. Di nyi bé mam momasôna Paul a bi boñ ndi, di nla ba nkwoog nkaa le a bé bé le a boñ jam jo ki jo li li bé le li tééñga kiññem yé.