Buk isi lipep

c Ñañ u nkal bés mam ima, ma ma ñunda le Hofni bo Finéhas ba nkon bé Djob woñi. Jam li bisu li yé le, Mbén i ntoñol bimbe bipes bi binuga biprisi bi nlama je. (Ndiimba Mbén 18:3) Ndi i ndap Djob, bibéba bi biprisi gwo bi mboñ nya ipe. Bi mbat bet ba nhôla bo, le ba leñ nwas ikété hibee ba ngwélél inyu nat binuga, kayéle ba yoñ to umbe loñge nsôn u nuga u mpam. Jam lipe li yé le, ngéda bôt ba nlona bisesema gwap inyu ligis gwo i juu li bisesema, bibéba bi biprisi bi nkal bet ba nhôla bo le ba kônha mut a nlo ti sesema woñi, inyu boñ le i mut nu a bôk ndugi a ti bo nsôn nuga ba kôli bana, iloo yak le ba nsem mahoñ ma nuga yé i bisu bi Yéhôva.​—Lôk Lévi 3:3-5; 1 Samuel 2:13-17.