Buk isi lipep

a Ngim banyañ ba bon i ta i la bé pam i gwés bon bap kiki i nsômbla, inyule i bi kwo kon i mbus ligwéé li bon bap. Ndi ba hoñol bañ le njom i yé yap. Suklu ikeñi yada i loñ Amérika, i i mbéñge makon ma mahoñol, i nkal le: “I nene le, waa i pes minsôn ni i pes mahoñol i mboñ le muda a nimis yi i mbus gwal . . . ndi i kon u, u nlo bé inyule nyañ man a mboñ ngim jam tole a mboñ bé jo.” Inyu kôs biniigana bipe mu kon u, béñge yigil i gwé ño le: “Comprendre la dépression postnatale” i Réveillez-vous ! du 8 Juin 2003.