Yésu a nkal le: “Maséé ma yé ni bôt ba nyi le mam ma mbuu ma yé bo nseñ, inyule Ane i ngii i yé yap. Maséé ma yé ni bôt ba modop, inyule b’a kôhna hogbe. . . . Maséé ma yé ni bôt njal ni nyus bi gwé inyu telepsép, inyule ngôñ yap y’a yon. . . . Maséé ma yé ni bôt ba bi kôhna ndééñga inyu telepsép, inyule Ane i ngii i yé yap. Maséé ma yé ni bé ngéda bôt ba nyahal bé ni tééñga bé . . . inyule ni yé banigil bem. Kona maséé, ni hak ki iloo héga.”​—Matéô 5:3-12.

Yésu a nkal le i bet ba nyi ngôñ yap i pes mbuu, ba libak jap li kwéha li nkônha bé maséé, ba boñok biliya i yi ni i gwélél Djob, ba yé toi maséé. To ibale bôt ba ñoo bo tole ba ntééñga bo inyule ba mboñ sômbôl i Djob, ba yé maséé inyule ba nyi le ba nlémél Djob ni le a ga ti bo niñ boga.