Hônba ikepam lisuk

1. Bañga ’Djob ni mimbônga nwé

Bi nti ngui i hônba.

Mam momasô di nyi ni gwés

Ma ta bé le ma piñgla.

Téñbe i bem ngwa ’Yéhôva,

Lédés, u témb bañ ni mbus.

Manoodana ma nti we ngui;

Téñbe i ba nginsohi.

2. Tééda gwéha yoñ i bibéé,

Tat yo, ’nimis bañ yo.

Tolakii w’a boma ngolba,

U so bañ, w’a yémbél yo.

To kinje jam li mpémél we,

U tam bañ, ’kon bañ woñi.

Yéhôva a nti we tohi;

Hi kel, a mba i pañ yoñ.

3. Bet ba nhônba kepam lisuk

Bon ba ga tohlana.

Môl map ma ntilba i kaat niñ,

I ngii ngok, ma kedlana.

Njômbi yoñ i ba ndik ndéñbe;

Y’a ti we bilem bilam.

W’a kôs bisai bi Yéhôva;

Maséé m’a boñ le u hak.