Di tina makénd bés ni bés

1. Makénd, di tina wada ni nuu,

I sélél Yéhôva ni ñem.

Di nyén ni nsañ ni lôk tata yés,

Kii di nsélél bo kiki lem.

Bañga gwéha yon i ñéga bés,

I nhôlôs, i nti bés hônba.

Likoda li yé lisolbene,

Homa woñi u nla bé ba.

2. Lipôdôl i ngéda i kôli,

Kinje loñge li yé ’nyu ñem!

Lôk kéé i nkwel inyu ti hogbe;

Ba yé ni mawanda ma ñem.

Kinje loñge jam i sal ni bo,

Ni i bana hoñol yada!

Di nyi lédhana kiki linyañ,

Begee nduña i hi wada.

3. Ni mis ma hémle, di ntehe le

Ngwa ’Yéhôva u gwé ni moo.

Jon di noñ litiñ le di yan bañ,

To tôl likoda jo ki jo.

Botñem i niñ boga ni boga

I nit bet ba nhémle Yésu.

Makénd di ntina wada ni nuu

Ma nti ngui i ke ni bisu.