Ibale mañge nyen a nyibil likôga

Ibale mañge nyen a nyibil likôga, di nlama bat nye bagwal bé. Hala a ñunda le di nti nwet ndap lipém. (Bingéngén 6:20) Ibale mañge a nsômbôl leege bés ikété ndap, di nlama tjél. Ibale bagwal bé ba ta bé ha, di nlama lo lisañ lipe.

To ibale a yé nañak mañge, bebeg ipôla 15 ni 19 ñwii, i yé ndik loñge le di bat bagwal bé. Ibale ba ta bé ha, di nla bat nye ibale bagwal bé ba nti nye kunde i añ bikaat bi nlémél nye. Ibale ñ, di nla ti nye kaat, bebeg ki le di ep nye i jw.org.

I ngéda di ntémb inyu yuuga mañge nu a nleege ñañ nlam, di nlama bat nye bagwal bé. Hala a ga ti bés pôla i toñle bagwal bé inyuki di nlo i mbai yap, lôñni maéba malam ma yé ikété Bibel inyu mahaa. (Tjémbi 119:86, 138) Ngéda di nti bagwal lipém, hala a’ ba loñge mbôgi, a nla ki yible bés njel i añle lihaa li ñañ nlam masañ mape.​—1 Pétrô 2:12.