Niñ i bé lelaa ikété paradis?

Yéhôva a bi ti Adam bo Éva ngandak mam malam. Bibôdle 1:28

Yéhôva a heg muda nu bisu le Éva, a ti nye le a ba nwaa Adam.​—Bibôdle 2:21, 22.

Yéhôva a heg bo peles i libag li manyu ni li mahoñol, ngi liton li mahindi jo ki jo.

Paradis yap ba bé yééne i bé wom Éden​—homa ngandak bilama, ni malép, ni bie bi num matam, ni binuga.

Yéhôva a bé pôdôs bo; a bé niiga bo. Bale ba emble nye, ki ba bi niñ boga ni boga ikété paradis hana isi.

Djob a bi kal le ba je bañ matam ma ngim e. Bibôdle 2:16, 17

Yéhôva a éba Adam bo Éva e yada i num matam ikété wom, ni nye a kal bo le ibale ba nje mo, b’a wo yaga.

Añgel yada i nyagbene Djob. I béba añgel i yon i yé Satan Nsohop.

Satan a bé yéñ bé le Adam bo Éva ba nôgôl Yéhôva. Jon ni njel nyoo a bi kwélés Éva, a kal nye le ibale a nje litam li, a ga wo yaga bé, ndi a’ yila kikii Djob. Ni maliga, hala a bé bitembee.​—Bibôdle 3:1-5.