Yéhôva a ngwés bôt ba yé mapubi

“Jôa moo moñ. Bôñgôl tuñ yoñ. Sas tuñ yoñ. Lep binan.” Ngandak bagwal i niiga bon bap i ba mapubi i pes minsôn. Ndi, matiñ ma ma mbéñge jam li mapubi ma nlôl ni Djob jés. (Manyodi 30:18-20; Ndiimba Mbén 23:14; 2 Korintô 7:1) Ngéda di ntééda manyuu més ni masañgô més mapubi, di nti Yéhôva lipém. (1 Pétrô 1:14-16) Ndi kii di nla kal inyu ndap yés ni mapañ ma ndap yés? Maselna ni bôt ba nlep binan gwap i minloñ ni i mimbôglak mi bahoma, bikristen bi mboñ kii yosôna bi nla inyu tééda homa wap liyééne mapubi. (Tjémbi 115:16; Masoola 11:18) Yak disii di mam, kiki bo hee di nlep pépa het di nje makala, hee di nha pôs malép ngéda di mal nyôl yo tole hee di nlep chewing gum di mal nyambal, di nla yelel litehge jés li mapubi. Ikété niñ yés yosôna, ‘bésbomede di nlama unda le di yé bagwelnson ba Nyambe.’​—2 Korintô 6:3, 4.

BÉÑGE VIDÉÔ I GWÉ ÑO LE NYAMBE A NGWÉS BÔT BA MAPUBI, I MBUS TIMBHE MAMBADGA MANA:

• Mambe manjom ngim bôt i i ntééda bé masañgô map mapubi i nla ti?

• Lelaa Mbén Môsi i nyelel litehge li Yéhôva inyu jam li mapubi?

• Lelaa di nla bôgôl Yéhôva mbôgi ibabé i pot?